திருப்பதியில் ரத்ததானம் செய்தால் தரிசன டிக்கெட், லட்டு இலவசம்

திருப்பதி:

திருப்பதியில் ரத்ததானம் செய்யும் பக்தர்களுக்கு திருப்பதி கோவில் தேவஸ்தானம் சார்பில் ரூ. 100 மதிப்புள்ள செல்லார் டிக்கெட்டும், 1 லட்டுவும் இலவசமாக வழங்கப்படவுள்ளது.

இதுகுறித்து தேவஸ்தான தலைவர் கருணாகர ரெட்டி கூறியதாவது,

திருப்பதியில் சர்வதேச தரத்திற்கு இணையாக ரத்த சேமிப்பு வங்கியை அமைக்க முடிவு செய்யப்படவுள்ளது.

இதற்காக இளைஞர்களிடம் ரத்ததானம் குறித்த விழிப்புணர்வு ஏற்படுத்துவதற்காக, ரத்த தானம் செய்வோருக்கு திருப்பதி வெங்கடாஜலபதி பெருமாளை தரிசனம் செய்வதற்காக ரூ.100 மதிப்புள்ள செல்லார் டிக்கெட்டும், லட்டு ஒன்றும் இலவசமாக வழங்கப்படும் என்றார்.

இந்த திட்டங்களை நிறைவேற்றும் பணி நடந்து வருவதாகவும், விரைவில் இத்திட்டத்தின் மூலம் பக்தர்கள் பயன்பெறலாம் என்றும் கருணாகர ரெட்டி தெரிவித்தார்.