எமிரேட்ஸ் அதிபருடன் இந்திய தூதர் சந்திப்பு

துபாய்:

ஐக்கிய அரபு அமீரக அதிபர் ஷேக் கலீபா பின் ஸையித் அல் நஹ்யானை, இந்தியா உள்ளிட்ட 10 நாடுகளின் தூதர்கள் சந்தித்துப் பேசினர்.

ஐக்கிய அரபு அமீரகத்துக்கான புதிய இந்திய தூதராக தல்மிஷ் அஹமது நியமிக்கப்பட்டுள்ளார். இவர் உள்பட பத்து வெளிநாட்டு தூதர்கள் அமீரக அதிபரை சந்தித்தனர்.

அவர்களிடம் அதிபர் அல் நஹ்யான் பேசுகையில், அமீரகம் அனைத்து நாடுகளுடனும் நல்லுறவையே விரும்பகிறது. அதற்கு புதிதாக தங்களது நாட்டு தூதராக நியமிக்கப்பட்டுள்ள அனைவரும் ஒத்துழைப்பை நல்கிட வேண்டும் என கேட்டுக் கொண்டார்.

புதிதாக நியமிக்கப்பட்டுள்ள தூதர்கள் தாங்கள் அமீரகத்தில் பணியாற்றுவது குறித்த தங்களது மகிழ்ச்சியை வெளிப்படுத்தினர். இந்நிகழ்ச்சியில் ஷேக் மன்சூர், வெளியுறவு அமைச்சர் ஷேக் அப்துல்லா, உயர் அதிகாரிகள் உள்ளிட்ட பலர் கலந்து கொண்டனர்.