சுப. தங்கவேலன் இலாகா பறிப்பு ஐ.பெரியசாமிக்கு கூடுதல் பொறுப்பு

சென்னை:

அமைச்சர் சுப. தங்கவேலன் வகித்து வந்து வீட்டு வசதித்துறை அவரிடமிருந்து பறிக்கப்பட்டு வருவாய்த்துறை அமைச்சர் திண்டுக்கல் ஐ.பெரியசாமியிடம் வழங்கப்பட்டுள்ளது.

தமிழக அமைச்சரவையில் நேற்று சிறிய அளவிலான மாற்றம் செய்யப்பட்டது.

அமைச்சர் சுப.தங்கவேலன் வகித்து வந்த வீட்டு வசதி, ஊரக வீட்டு வளர்ச்சித் துறைகள் அவரிடமிருந்து பறிக்கப்பட்டு, வருவாய்த்துறை அமைச்சர் திண்டுக்கல் ஐ.பெரியசாமியிடம் வழங்கப்பட்டது.

இனிமேல், சுப.தங்கவேலன், குடிசை மாற்றுத்துறை அமைச்சர் என அழைக்கப்படுவார்.

அமைச்சர் பெரியசாமி வருவாய் மற்றும் வீட்டு வசதித்துறை அமைச்சர் என்று அழைக்கப்படுவார்.

முதல்வர் கருணாநிதியின் ஆலோசனையின் பேரில் ஆளுநர் எஸ்.எஸ்.பர்னாலா இந்த மாற்றத்தை செய்துள்ளார்.