விடுதலைப் புலிகளின் பயிற்சி முகாம் தகர்ப்பு - ராணுவம்

கொழும்பு: முல்லைத்தீவில் உள்ள விடுதலைப் புலிகளின் முக்கிய பயிற்சி முகாமைத் தகர்த்து விட்டதாக இலங்கை விமானப்படை தெரிவித்துள்ளது.

இதுகுறித்து ராணுவத் தரப்பில் கூறுகையில், இன்று காலை 6.30 மணிக்கு இலங்கை விமானப்படையின் அதி நவீன ஜெட் விமானம் முல்லைத்தீவில் உள்ள கொக்குதொடுவை என்ற இடத்தில் சரமாரியாக குண்டு வீசித் தாக்கியது.

இதில் அங்கிருந்த புலிகளின் முக்கிய ராணுவப் பயிற்சி முகாம் முற்றிலும் சேதமடைந்தது. இதை போலீஸாரும் உறுதிப்படுத்தியுள்ளனர் என்று தெரிவிக்கப்பட்டுள்ளது.

இதுகுறித்த மேல் விவரங்களை ராணுவம் தெரிவிக்கவில்லை. விடுதலைப் புலிகள் தரப்பிலும் இதுகுறித்து உறுதி செய்யப்படவில்லை.