அழகற்ற மனைவி - திருமணத்தன்றே விவகாரத்து செய்த கணவன்

துபாய்: மனைவி அழகாக இல்லாத காரணத்தால் திருமணம் முடிந்த அடுத்த நிமிடமே விவகாரத்து செய்து விட்டார் ஒரு கணவர்.

சவூதி அரேபியாவின் பிஷா பகுதியைச் சேர்ந்த ஒரு பெண்ணுக்கும், ஒரு நபருக்கும் திருமணம் நிச்சயம் செய்யப்பட்டு திருமணத் தேதியும் குறிக்கப்பட்டு விட்டது.

திருமணத்தன்று மணமகன் ஒப்பந்த பத்திரத்தில் கையெழுத்து போட்டார். அப்போது மணமகனின் வீட்டார், மணமகனை அணுகி, பெண் அழகாக இல்லை. எனவே விவாகரத்து செய்து விடு என்று கூறியுள்ளனர்.

இதையடுத்து அந்த மணமகன், அடுத்த நிமிடமே தலாக் சொல்லி விவாகரத்து செய்து விட்டார்.

திருமணம் முடிந்த கையோடு பெண்ணை விவகாரத்து செய்தது சவூதியில் பரபரப்பை ஏற்படுத்தியுள்ளது.