கூட்ட நெரிசல்: கோவை-சென்னைக்கு சிறப்பு ரயில்

சென்னை: கோவையிலிருந்து சென்னைக்கு சிறப்பு ரயில் இயக்கப்படுவதாக தெற்கு ரயில்வே அறிவித்துள்ளது.

தீபாவளி முடிந்துள்ள நிலையில் சொந்த ஊர்களுக்குச் சென்றவர்கள் சென்னைக்குத் திரும்பிக் கொண்டுள்ளனர். இதனால் ரயில்களில் கூட்ட நெரிசல் காணப்படுகிறது.

இதையடுத்து சென்னைக்கு கோவையிலிருந்து ஒரு சிறப்பு ரயில் விடப்படுகிறது.

நவம்பர் 11ம் தேதி கோவையிலிருந்து கிளம்பும், 0622 என்ற எண் கொண்ட அந்த சிறப்பு ரயில், கோவையிலிருந்து இரவு 11.45 மணிக்குக் கிளம்பி அடுத்த நாள் காலை 9.15 மணிக்கு சென்னை சென்டிரல் ரயில் நிலையத்தை வந்தடையும்.

இதற்கான முன்பதிவு 10ம் தேதி தொடங்கும் என தெற்கு ரயில்வே அறிவித்துள்ளது.