அகலப் பாதையில் சேலம்-விருத்தாசலம் பயணிகள் ரயில் போக்குவரத்து துவக்கம்

விருத்தாசலம்: சேலம்-விருத்தாசலம் பயணிகள் ரயில் போக்குவரத்து துவங்கியது.

சேலம்-விருத்தாசலம் இடையே அகல ரயில் பாதை அமைக்கப்பட்டுள்ளது. இைதத் தொடர்ந்து கடந்த 8ம் தேதி தீபாவளி தினத்தன்று சரக்கு ரயில் போக்குவரத்து துவக்கப்பட்டது.

இந் நிலையில் கடந்த 17ம் தேதி விருத்தாசலம்-சேலம் இடையிலான பயணிகள் ரயில் போக்குவரத்தை ரயில்வேதுறை இணையமைச்சர் ஆர்.வேலு, மத்திய சுகாதாரத்துறை அமைச்சர் டாக்டர் அன்புமணி ஆகியோர் கொடியசைத்து துவக்கி வைத்தனர்.

இந் நிகழ்ச்சியில் ரயில்வே பணியாளர்கள் ஊழியர்களுக்காக ரூ.99 லட்சத்தில் கட்டப்படும் திருமண மண்டபத்துக்கும் அடிக்கல் நாட்டப்பட்டது. மேலும் ரூ. 7 லட்சம் செலவில் கட்டப்பட்டுள்ள பயணிகள் தங்கும் அறையும் திறக்கப்பட்டது.