8000 ரூபாய்க்கு கம்ப்யூட்டர் லெனோவோ கம்ப்யூட்டர்!

டெல்லி: சீனாவைச் சேர்ந்த பிரபல கம்ப்யூட்டர் நிறுவனமான லெனோவோ, 200 டாலர் (ரூ. 8000) விலை கொண்ட புதிய வகை கம்ப்யூட்டரை அறிமுகப்படுத்தவுள்ளது.

இதுகுறித்து லெனோவோ நிறுவனத்தின் அமெரிக்க பிரிவு தலைவரும், தலைமை செயல் அதிகாரியுமான வில்லியம் அமெலியோ கூறுகையில், முதலில் இந்த குறைந்த விலை கம்ப்யூட்டர் சீனாவில் அறிமுகப்படுத்தப்படும். அங்கு கிடைக்கும் வரவேற்பைப் பொறுத்து இந்தியாவிலும் இது அறிமுகப்படுத்தப்படும்.

இந்த கம்ப்யூட்டர் இன்டர்நெட் வசதியுடன் கூடியதாக இருக்கும். இதுகுறித்த மேல் விவரங்களை இப்போது வெளியிட இயலாது.

இந்திய அரசு சமச்சீரான வரி விதிப்பு முறையை அமல்படுத்த முன்வர வேண்டும். அப்போதுதான் லெனோவோ போன்ற பெரிய நிறுவனங்கள் அதிக அளவில் இந்தியாவில் வர்த்தகம் செய்ய முன்வரும் என்றார் அமெலியோ.

லெனோவோ நிறுவனம், இமாச்சலப் பிரதேசம் பட்டி என்ற இடத்தில் லேப்டாப் கம்ப்யூட்டர்கள் தயாரிப்புப் பிரிவை நிறுவியுள்ளது என்பது குறிப்பிடத்தக்கது.