27ம் தேதி மோடி பதவியேற்பு

அகமதாபாத்: குஜராத் மாநிலத்தின் முதல்வராக, 3வது முறையாக நரேந்திர மோடி வருகிற 27ம் தேதி பதவியேற்கிறார்.

குஜராத் சட்டசபைத் தேர்தலில் மோடி தலைமையில் பாஜகவுக்கு பெரும் வெற்றி கிடைத்துள்ளது. இதன் மூலம் 4வது முறையாக ஆட்சியை தக்க வைத்துக் கொண்டுள்ளது பாஜக. மோடி 3வது முறையாக முதல்வராகிறார்.

வருகிற 27ம் தேதி மோடி 3வது முறையாக முதல்வராக பதவியேற்கிறார். அவருக்கு மாநில ஆளுநர் நவல் கிஷோர் சர்மா பதவிப்பிரமாணம் செய்து வைக்கிறார்.

பதவியேற்பு விழாவில், பாஜக தலைவர் ராஜ்நாத் சிங், லோக்சபா எதிர்க்கட்சித் தலைவர் எல்.கே.அத்வானி, அருண் ஜெட்லி உள்ளிட்ட மூத்த தலைவர்கள் கலந்து கொள்வார்கள் என எதிர்பார்க்கப்படுகிறது.

மோடியின் தற்போதைய அட்சி 26ம் தேதியுடன் முடிவடைகிறது என்பது குறிப்பிடத்தக்கது.