குஜராத் தேர்தல் முடிவு: கருணாநிதி 'பலே' பதில்!

கடலூர்: குஜராத்தில் பாஜக வெற்றி குறித்து முதல்வர் கருணாநிதியிடம் செய்தியாளர்கள் கேட்டபோது, கடந்த தேர்தலை விட காங்கிரஸ் கட்சி கூடுதல் இடங்களில் வென்றுள்ளதாக நழுவலான பதிலை அளித்தார்.

கடலூர் வந்த முதல்வர் கருணாநிதியிடம் செய்தியாளர்கள், குஜராத் சட்டசபைத் தேர்தல் முடிவு குறித்து கருத்து கேட்டனர்.

அதற்கு நேரடியான பதில் சொல்வதைத் தவிர்த்த முதல்வர் கருணாநிதி, கடந்த தேர்தலை விட காங்கிரஸ் கட்சிக்கு இந்த முறை நல்ல முன்னேற்றம் கிடைத்துள்ளது.

கடந்த முறை எத்தனை சீட் வென்றார்கள். இந்த முறை எத்தனை சீட் வென்றுள்ளனர் என்பதைப் பாருங்கள் என்று தனக்கே உரிய பாணியில் புன்னகையுடன் கூறினார் கருணாநிதி.