சீன தமிழ் ரேடியா நேயர்களுக்கான போட்டி

பீஜிங்: 29 வது கோடைக்கால ஒலிம்பிக் விளையாட்டுப் போட்டியை காணும் வாய்ப்பை சீன வானொலி நிலையம் ஏற்படுத்தியுள்ளது.

சீனத் தலைநகர் பீஜிங்கில் வரும் ஆகஸ்ட் மாதம் 29வது கோடைகால ஒலிம்பிக் போட்டிகள் நடைபெற உள்ளது.

இந்த போட்டிகலை நேரில் கண்டுகளிக்க சீன வானொலி நிலையம் நடத்தும் போட்டியில் கலந்து கொண்டு வெற்றி பெற்றால் போட்டியை நேரடியாகக் காணும் வாய்ப்பு கிடைக்கும்.

இவ்விளையாட்டில் பொம்மை புதிர்கள், இணைய வினாவிடை, என் மனதில் 2008ம் ஆண்டு பீஜிங் ஒலிம்பிக் ஆகிய 3 பகுதிகள் உள்ளன.

புதிர்கள் பகுதியை நிறைவேற்றியப் பின் தான், இணைய வினாவிடைப் போட்டியில் கலந்து கொள்ள முடியும். 8 வினாக்களுக்கு சரியான விடைகள் அளித்து, ஒலிம்பிக் பற்றிய கருத்துக்களை எழுதிய நண்பர்களுக்கு முதல் பரிசு பெறும் வாய்ப்புண்டு.

போட்டியில் வெற்றி பெறுபவர்களுக்கு முதல், இரண்டாம், மூன்றாம் பரிசுகள் வழங்கப்படும். முதல் பரிசுப் பெற்றவர்களிடையில் சிறப்புப் பரிசு பெறுவோர் தேர்ந்தெடுக்கப்படுவர்.

சிறப்புப் பரிசு பெற்றவர்கள் ஆகஸ்ட் மாதம் பீஜிங்கில் நடைபெற உள்ள ஒலிம்பிக் போட்டியை நேரில் கண்டுகளித்து, சீன விளையாட்டு வீரர்களை நேரில் சந்தித்து பேசலாம். பீஜிங் செல்ல உள்ளவருக்கு சீன வானொலி நிலையம் ஆச்சரியப்படும் வகையில் பரிசுகளை அளிக்க உள்ளது.

சீன வானொலியில் தமிழ் ஒலிபரப்பு தினமும் இந்திய நேரப்படி இரவு 7.30 மணி முதல் 8.30 மணி வரை ஒலிபரப்பாகிவருகிறது.

மேலும் விபரங்களுக்கு ttp://tamil.cri.cn/other/contest2008/ என்ற இணையதள முகவரியில் காணலாம்.

போட்டியில் கலந்து கொண்டு பீஜிங்கில் நடைபெறவுள்ள ஒலிம்பிக் போட்டியை காண வாழ்த்துக்கள்.