5 லட்சம் கார்கள் ஏற்றுமதி-மாருதி சாதனை

டெல்லி: இதுவரை 5 லட்சம் கார்களை ஏற்றுமதி செய்து மாருதி கார் நிறுவனம் சாதனை படைத்துள்ளது.

நாட்டின் முன்னணி கார் தயாரிப்பு நிறுவனமான மாருதி சுசூகி உலகம் முழுவதும் கார்களை ஏற்றுமதி செய்து வருகிறது. இதில் 56 சதவீத கார்கள் ஐரோப்பாவுக்கு ஏற்றுமதியாகின்றன.

அதிலும் நெதர்லாந்துக்கு தான் அதிகபட்சமாக 67,700 கார்களும், இத்தாலிக்கு 41,000 கார்களும், இங்கிலாந்து 34,000 கார்களும் ஏற்றுமதியாகியுள்ளன.

மேலும் அல்ஜீரியா, சிலி, இலங்கை, நேபாளம் ஆகிய நாடுகளுக்கும் மிக அதிக அளவில் கார்களை ஏற்றுமதி செய்து வருகிறது மாருதி.

மாருதி ஏற்றுமதி செய்யும் கார்களில் பெரும்பாலானவை மாருதி 800 கார்கள் தான். இதைத் தொடர்ந்து ஆல்டோவும், அடுத்தபடியாக சென் ரக கார்களும் அதிகமாக ஏற்றுமதியாகின்றன.

இப்போது ஏ-ஸ்டார் என்ற புதிய ரக காரை மாருதி தயாரித்து வருவது குறிப்பிடத்தக்கது.