ஸ்டிரைக்கில் டேங்கர் லாரிகளும்..!

Oil Tankers too join in Lorry strike

tn, chennai, petrol, diesel, supply, oil tankers, lorry strike

தமிழ்நாடு, சென்னை, பெட்ரோல், டீசல், சப்ளை, டேங்கர் லாரிகள், ஸ்டிரைக்

ஸ்டிரைக்கில் டேங்கர் லாரிகளும்..!

ஸ்டிரைக்கில் இணையும் டேங்கர் லாரிகள்: நிலைமை மேலும் மோசமாகும்

சென்னை: இன்று நள்ளிரவில் தொடங்கும் லாரிகள் வேலைநிறுத்தப் போராட்டத்தில் டேங்கர் லாரிகளும் கலந்து கொள்ளும் என அறிவிக்கப்பட்டுள்ளது. எனவே பெட்ரோல், டீசல் பற்றாக்குறை மேலும் விஸ்வரூபம் எடுக்கும் என அஞ்சப்படுகிறது.

தமிழகத்தின் பல பகுதிகளில் நேற்று பெட்ரோல், டீசல் தட்டுப்பாடு ஏற்பட்டது. சென்னையிலோ பெட்ரோல், டீசல் பஞ்சம் தலைவிரித்தாடியது.

இன்னும் நிலைமை சரியாகாத நிலையில் எரியும் வீட்டில் எண்ணையை ஊற்றுவது போல, இன்று நள்ளிரவு முதல் தொடங்கும் லாரிகள் வேலைநிறுத்தப் போராட்டத்தில் டேங்கர் லாரிகளும் கலந்து கொள்ளும் என்ற அறிவிப்பு வெளியாகியுள்ளது.

டேங்கர் லாரிகளும் காலவரையற்ற வேலைநிறுத்தப் போராட்டத்தில் ஈடுபட்டால், பெட்ரோல், டீசல் சப்ளை வெகுவாக பாதிக்கும் அபாயம் ஏற்படும். இதனால் நிலைமை மேலும் மோசமடையும் என்று பொதுமக்களிடையே அச்சம் ஏற்பட்டுள்ளது.