நாசா நடத்திய போட்டியில் தமிழக மாணவர்கள் 2ம் இடம்

நியூயார்க்: அமெரிக்காவின் விண்வெளி ஆய்வுக் கழகமான நாசா நடத்திய போட்டியில் தமிழக மாணவர்கள் இரண்டாம் இடம் பிடித்து சாதனை படைத்துள்ளனர்.

'எதிர் காலத்துக்கான விண்வெளி வாகனம்' என்ற தலைப்பில் நாசா போட்டி ஒன்றை நடத்தியது. இதில் உலகளவில் 14 பல்கலைக் கழகங்கள் கலந்து கொண்டன. அவற்றில் இருந்து மொத்தம் 61 மாணவர்கள் கலந்து கொண்டனர்.

இந்தப் போட்டியில் நாசாவின் விதிமுறைகளுக்கு உட்பட்டு சிறந்த மாதிரியை ஏற்படுத்திக் கொடுத்த தமிழக மாணவர்கள் அணுஷா மற்றும் ஸ்ரீநாத் இரண்டாம் இடம் பிடித்து வெற்றி வாகை சூடியுள்ளனர். இந்த வெற்றி மூலம் தமிழகத்திற்கு பெருமை சேர்த்துள்ளனர்.

இருவரும் அண்ணா பல்கலைக் கழக மாணவர்கள் என்பது குறிப்பிடத்தக்கது.

ஆஸ்திரேலியாவைச் சேர்ந்த கேரிரெட் மேன் என்ற மாணவர் முதல் இடத்தை வென்றுள்ளார்.