சானியா மிர்ஸாவுடன் ஷாகித் கபூர் காதல்?

மும்பை: டென்னிஸ் வீராங்கனை சானியா மிர்ஸாவுக்கும், நடிகர் ஷாகித் கபூருக்கும் இடையே காதல் தீ பற்றிக் கொண்டுள்ளதாக செய்திகள் வெளியாகியுள்ளன. இப்படிப்பட்ட செய்திகளால் எனக்கு எந்த வருத்தமும் இல்லை என்று பூடகமாக பதிலளித்துள்ளார் ஷாகித் கபூர்.

ஷாகித் கபூரும், கரீனா கபூரும் படு தீவிரமாக ஒரு காலத்தில் காதலித்து வந்தனர். கல்யாணம் செய்து கொள்ளப் போகிறார்கள் என்று கூட செய்திகள் வந்தன. ஆனால் இந்த ஜோடி திடீரென பிரிந்தது. அதன் பின்னர் சைப் அலிகானுடன் காதலில் வீழ்ந்தார் கரீனா.

தனிமையில் விடப்பட்ட ஷாகித் கபூருக்கும், சானியா மிர்ஸாவுக்கும் இடையே தற்போது காதல் மலர்ந்துள்ளதாக செய்திகள் வெளியாகியுள்ளன. இருவரும் மும்பை, கோவா என சுற்றி வருவதாகவும், இரவு பார்ட்டிகளில் ஜோடியாக கலந்து கொள்வதாகவும் செய்திகள் வெளியாகியுள்ளன.

ஷாகித் கபூர், கரீனா நடிப்பில் சமீபத்தில் வெளியான சூப்பர் ஹிட் படமான ஜப் வி மெட் படத்தைப் பார்த்துதான் சானியாவுக்கு, ஷாகித் மீது காதல் பிறந்ததாம்.

இதெல்லாம் நிஜமா என்று ஷாகித்திடம் கேட்டால், இது போன்ற வதந்திகளை நான் எப்போதுமே சீரியசாக எடுத்துக் கொள்வது கிடையாது. சானியாவை பற்றி எனக்கு நன்றாக தெரியும். நாங்கள் இருவரும் நல்ல நண்பர்கள்.

ஜப் வி மெட் படத்தை பார்த்து என்னைப் பாராட்டினார். வேறு ஒன்றும் இல்லை என்றார். பார்ட்டிகளில் கலந்து கொண்டீர்களே.அதற்கு என்ன அர்த்தம் என்றால், ஹோட்டல்களில் இரண்டு பேரும் சேர்ந்து லன்ச் சாப்பிட்டோம், டின்னர் சாப்பிட்டோம். சாப்பிட்டதில் என்ன தவறு இருக்கிறது.

சானியாவை எங்கு பார்த்தேன், எப்படி பார்த்தேன், எத்தனை தடவை பார்த்ேதன் என்றெல்லாம் கூறிக் கொண்டிருக்க முடியாது. எனது பர்சனல் வாழ்க்கை குறித்து வெளிப்படையாக சொல்ல வேண்டிய அவசியம் இல்லையே என்றார் ஷாகித்.

இந்த நிலையில், வித்யா பாலனுடன், ஷாகித் இணைந்து நடித்த கிஸ்மத் கனெக்ஷன் படத்தைப் பார்த்த சானியா, ஷாகித்தின் நடிப்பு சூப்பர் என பாராட்டுத் தெரிவித்துள்ளாராம். அதையும் தனது வாயாலேயே ஷாகித் கூறியுள்ளார். வித்யா பாலனையும் 'கேர்ள், நெக்ஸ்ட் டோர்' என பாராட்டினாராம் சானியா.

காதல் இருக்கிறதோ, இல்லையோ, நடிப்பிலும், விளையாட்டிலும் இருவரும் ஜொலித்தால் சரிதான்.