அமெரிக்க விண்ணப்பத்தில் 'தமிழ் தெரியுமா?'
வாஷிங்டன்: அமெரிக்க அரசின் புதிய நிர்வாக அதிகாரி பொறுப்புகளுக்கான தேர்வு விண்ணப்பத்தில் தமிழ் உள்ளிட்ட மொழிகள் உங்களுக்கு தெரியுமா என கேட்கப்பட்டுள்ளது.
அதிபர் ஒபாமாவின் புதிய அரசு ஆயிரக்கணக்கான நிர்வாக அதிகாரிகளை தேர்வு செய்யும் பணியில் ஈடுபட்டுள்ளது. இதற்கான விண்ணப்பபங்களை வினியோகம் செய்து வருகிறது.
அதில் சர்வதேச பணி அனுபவம் என்ற பகுதியில் உலகில் உள்ள 101 முக்கிய மொழிகளின் பட்டியலை தந்து அதில் தங்களுக்கு தெரிந்த மொழிகளை தேர்வு செய்யுமாறு கூறியுள்ளது. அதில் தமிழ் , தெலுங்கு, மலையாளம், கன்னடம், மராத்தி, பஞ்சாபி, பெங்காலி, இந்தி உள்ளிட்ட 21 இந்திய மொழிகளும் அடக்கம்.
நீங்கள் பயணம் நாடுகள் எவை என்ற பட்டியலில் இந்தியாவும் சேர்க்கப்பட்டுள்ளது.
இதை தவிர இந்திய அரசின் அலுவலக மொழிகளுக்கான பட்டியலில் இடம்பெறாத அதிகம் கேள்விப்படாத அவதி, சட்டீஸ்கர்கி, ஹர்யான்வி, மகாகி, மார்வரி உள்ளிட்ட சில மொழிகளும் இடம்பெற்றுள்ளது ஆச்சர்யமளிக்கிறது.