திமுகவில் இணைந்த மதிமுக எம்எல்ஏ ராமகிருஷ்ணன்

தேனி: மதிமுக எம்.எல்.ஏ. கம்பம் ராமகிருஷ்ணன், திடீரென திமுகவில் இணைந்துள்ளார்.

மதிமுகவின் முதல் எம்.எல்.ஏ என்ற பெருமைக்குரியவர் கம்பம் ராமகிருஷ்ணன். 2006ம் ஆண்டு நடந்த சட்டசபைத் தேர்தலில் கம்பம் தொகுதியிலிருந்து தேர்ந்தெடுக்கப்பட்டார் ராமகிருஷ்ணன்.

மதிமுகவின் முதல் வெற்றிச் செய்தியே ராமகிருஷ்ணன் வெற்றி பெற்றதுதான்.

இந்த நிலையில், திடீரென ராமகிருஷ்ணன் திமுகவில் இணைந்துள்ளார். இன்று மாலை அவர் தனது முடிவை அறிவிப்பார் என எதிர்பார்க்கப்படுகிறது.

சமீபத்தில்தான் மதிமுக அவைத் தலைவர் கண்ணப்பன் திமுகவில் இணைந்தார் என்பது நினைவிருக்கலாம். இந்த நிலையில் இன்னொரு எம்.எல்.ஏவான கம்பம் ராமகிருஷ்ணன் திமுகவில் இணைகிறார்.