நாமக்கல்-தேமுதிகவின் இளம் வேட்பாளர் மகேஷ்வரன்

நாமக்கல்: நாமக்கல் தொகுதியில் தேமுதிக சார்பில் 29 வயதே நிரம்பிய மகேஷ்வரன் வேட்பாளராக அறிவிக்கப்பட்டுள்ளார்.

என்.மகேஷ்வரனாகிய இவர், தேமுதிக மாநில மாணவர் அணி இணைச் செயலாளராக உள்ளார். இளம் வயதிலேயே லோக்சபா தேர்தலில் போட்டியிடும் வாய்ப்பு இவருக்குக் கிடைத்துள்து.

மாணவர்கள், இளைஞர்களின் வாக்குகளை மகேஷ்வரன் கவருவார் என தேமுதிக வட்டாரம் நம்பிக்கையில் உள்ளது.

ஜெயித்தால் என்ன செய்வீர்கள் என்று கேட்டபோது,

நாமக்கல் தொகுதியில் அடிப்படை வசதிகளை செய்து கொடுப்போம், பின்னர் இளைஞர்களுக்கு வேலை வாய்ப்புகளை உருவாக்கி கொடுப்போம்.

சேலம்-கரூர் ரெயில் பாதை போக்குவரத்து விரைவில் அமைக்க நட வடிக்கை எடுப்போம் என்றார் மகேஷ்வரன்.

மகேஷ்வரனுக்கு இதுவே முதல் தேர்தல். விஜயகாந்த் இங்கு பிரசாரத்திற்கு வருவதற்கு முன்பாகவே மக்களிடம் வேட்பாளரை நன்கு அறிமுகப்படுத்தி விட வேண்டும் என்று தேமுதிகவினர் ஆர்வத்துடன் வேலைகளை தொடங்கி விட்டனர்.