9 எக்ஸ் சேனலை வாங்கத் தயார் நிலையில் ஜீ

மும்பை: ஐஎன்எக்ஸ் குழுமத்தின் இந்திச் சேனலான 9 எக்ஸை வாங்குகிறது ஜீ குழுமம். இதற்கான ஒப்புதலை ஜீ குழும இயக்குநர்கள் நேற்று அந்நிறுவனத் தலைமைக்கு வழங்கினர்.

இனி வரும் நாட்களில் சிறப்பு ஏற்பாட்டுத் திட்டத்தின் கீழ் சட்டப்படி ஐஎன்எக்ஸ் குழுமத்திலிருந்து பிரிக்கப்படும் 9 எக்ஸ், ஜீ குழுமத்துடன் முறைப்படி இணைக்கப்படும். இதுகுறித்த தகவல்களை மும்பை பங்குச் சந்தைக்கும் தெரிவித்துள்ளது ஜீ.

மீண்டும் வருகிற ஏப்ரல் 29-ம் தேதி கூடும் ஜீ இயக்குநர்கள் குழு, இணைப்புக்கான செலவு, நிபந்தனைகள் உள்ளிட்ட அனைத்து விவரங்களையும் பங்குதாரர்களுக்கு தெரிவிக்கும்.