திமுகவில் இணைகிறாரா திண்டுக்கல் சீனிவாசன்?

திண்டுக்கல்& கரூர்: அதிமுகவின் பொருளாளராக இருந்த திண்டுக்கல் சீனிவாசன் விரைவில் திமுகவில் இணையப் போவதாக தகவல் பரவியுள்ளது.

இது கட்சி மாறும் காலம் போல. கட்ந்த சில மாதங்களாக அதிமுகவில் உள்ள முக்கியத் தலைவர்கள் எல்லாம் திமுகவுக்கு தாவி வருகின்றார்.

அனிதா ராதாகிருஷ்ணன், செல்வகணபதி, சத்தியமூர்த்தி, ஈரோடு முத்துசாமி, கரூர் சின்னசாமி என பட்டியல் நீண்டு கொண்டே செல்கிறது.

இந் நிலையில் அதிமுக பொருளாராக இருந்த முன்னாள் எம்பியான திண்டுக்கல் சீனிவாசன் திமுகவில் இணைய உள்ளதாகக் கூறப்படுகிறது.

ஆனால், இந்தத் தகவலை திண்டுக்கல் சீனிவாசனின் ஆதரவாளர்கள் திட்டவட்டமாக மறுத்துள்ளனர்.

நாளை திமுகவில் இணைகிறார் கரூர் சின்னசாமி:

இந் நிலையில் அதிமுக முன்னாள் அமைச்சர் சின்னசாமி நாளை திமுகவில் இணையவுள்ளார்.

இதற்காக அவருடன் கரூரில் இருந்து ஆயிரக்கணக்கான அவரது ஆதரவாளர்கள் இன்று சென்னை கிளம்பினர்.

நாளை மாலை முதல்வர் கருணாநிதி, துணை முதல்வர் மு.க. ஸ்டாலின் முன்னிலையில் அவர் திமுகவில் இணையவுள்ளார்.