நாய்க்கு சச்சின் டெண்டுல்கர் பெயரை சூட்டிய தெ. ஆப்பிரிக்க பவுலிங் பயிற்சியாளர்

டெல்லி: தென் ஆப்பிரிக்க பந்து வீச்சு பயிற்சியாளர் வின்சென்ட் பார்ன்ஸ், தனது நாய்க்கு சச்சின் டெண்டுல்கர் பெயரை சூட்டியுள்ளாராம். நாயை உடன் கூட்டி வர முடியவில்லையே என்று ரொம்பவும் விசனப்படுகிறார் இந்த பார்ன்ஸ்.

இந்தியா என்று தனது நாய்க்கு பெயர் சூட்டி முன்பு பயமுறுத்தினார் ஜார்ஜ் புஷ். இப்போது இந்தியாவின் கிரிக்கெட் சூப்பர் ஸ்டார் என்று ரசிகர்களால் கோவில் கட்டாத குறையாக கொண்டாடப்படும் சச்சினின் பெயரை தனது நாய்க்கு சூட்டி சர்ச்சையைக் கிளப்பியுள்ளார் வின்சென்ட் பார்ன்ஸ்.

இவர் தென் ஆப்பிரிக்க அணியின் பந்து வீச்சுப் பயிற்சியாளர் ஆவார். இவர் நேற்று ஒரு நாளிதழுக்கு அளித்த பேட்டியில், சச்சின் இல்லாமல் நான் மிகவும் அவஸ்தைப்படுகிறேன். சச்சின் எனது செல்ல நாய். நான் சச்சின் டெண்டுல்கரின் தீவிர ரசிகன். எனவேதான் அவரது பெயரை எனது நாய்க்கு சூட்டியுள்ளேன்.

சச்சினை என்னுடன் அழைத்து வர முடியாமல் போய் விட்டது. இதனால் அவனை நான் நிறைய மிஸ் செய்கிறேன். ஊருக்குப் போனதும் அவனை கொஞ்சித் தள்ள வேண்டும் என்று கூறியுள்ளார் பார்ன்ஸ்.

சச்சின் டெண்டுல்கர் குறித்து பார்னஸ் கூறுகையில், அவர் ஒரு சூப்பர் மேன். எதையும் செய்யும் திறமை படைத்தவர் என்றார் பார்ன்ஸ்.

English summary

South Africa bowling coach Vincent Barnes admitted that, he's missing Sachin - his dog Sachin that is, not the Indian batting superstar in whose honour he's named. "Sachin is not here, I am missing him already," Barnes told a newspaper. "Obviously I couldn't bring him along, what with all the travelling but there are enough people back home to take care of him." Barnes named his dog after Sachin Tendulkar, his favourite batsman. "He's a superman and is capable of anything", said Barnes.