பியூட்டி டிப்ஸ், தாக்குதல் டிப்ஸ் தரும் அல்கொய்தா பெண்கள் பத்திரிக்கை
தீவிரவாத அமைப்பான அல் கொய்தா ஜிஹாத் காஸ்மோ என்னும் பெண்கள் பத்திரிக்கையை துவங்கியுள்ளது. அதன் அட்டையில் பீப்பாய் அருகில் ஒரு பர்தா அணிந்த பெண் நிற்கும் படம் உள்ளது என்று டெய்லி மெயில் தெரிவித்துள்ளது.
அந்த பத்திரிக்கையில் தற்கொலைப்படை தாக்குதல்களில் இறந்தவர்கள் மனைவிகளின் பேட்டி வெளியாகியுள்ளது. அதில் அந்த மனைவிகள் தங்கள் கணவன்மார்களின் செயல்களைப் பற்றி புகழ்ந்து பேசியுள்ளனர்.
அல் ஷமிகா என்னும் பத்திரிக்கையில் முஜாஹிதீன்களைத் திருமணம் செய்யுமாறு கன்னிப் பெண்களுக்கு அறிவுறுத்தப்பட்டுள்ளது. மேலும், தங்கள் பிள்ளைகளை ஜிஹாத்தில் ஈடுபடும் முஜாஹிதீன்களாக வளர்க்க வேண்டும் என்று வாசகர்களைக் கேட்டுக் கொள்ளப்பட்டுள்ளது.
முகம் பளிச்சென்று இருக்க வேண்டும் என்றால் பெண்கள் முகத்தை மூடிக் கொண்டு வீட்டில் இருப்பது தான் சிறந்தது என்று அழகுக் குறிப்பு பகுதியில் கூறப்பட்டுள்ளது. பெணகள் தேவைப்பட்டால் மட்டும் தான் வீட்டை விட்டு வெளியே செல்ல வேண்டும். அதுவும் புர்கா போட்டுத் தான் செல்ல வேண்டும் என்று அதில் உள்ளது.
இன்னொரு கட்டுரையில் இஸ்லாமிற்காக உயிரையும் கொடுக்க வேண்டும் என்று கூறப்பட்டுள்ளது.
பெண்களுக்கு கல்வி கற்பிக்கவும், அவர்களை இஸ்லாத்தின் எதிரிகளுக்கு எதிரான போர்களில் ஈடுபடுத்துவதும் தான் இந்த பத்திரிக்கையின் முக்கிய குறிக்கோள் என்று ஆசிரியர் பக்கதில் உள்ளது.
Click it and Unblock the Notifications
Sign in with Google