அமெரிக்க இந்தியர் சித்தார்த் முகர்ஜி புத்தகத்துக்கு புலிட்சர் விருது!

பாஸ்டன்: இந்திய-அமெரிக்கரான சித்தார்த் முகர்ஜி எழுதிய கேசன்சர் பற்றிய புத்தகத்துக்கு 2011-ம் ஆண்டுக்கான புலிட்சர் விருது கிடைத்துள்ளது.

சித்தார்த் முகர்ஜியின் புற்றுநோய் தொடர்பான 'The Emperor of All Maladies: A Biography of Cancer' என்ற புத்தகத்துக்கு நாவல் அல்லாத பிரிவில் இந்த விருது கிடைத்துள்ளது.

10 ஆயிரம் டாலர் பரிசுப் பணம் இந்த விருதுடன் தரப்படும். இந்தியாவில் பிறந்த முகர்ஜி, கொலம்பியா பல்கலைக்கழகத்தில் மருந்தியல் உதவிப் பேராசிரியராகப் பணிபுரிகிறார்.

இவர் ஸ்டேன்ஃபோர்ட் பல்கலைக்கழகம், ஆக்ஸ்போர்டு பல்கலைக்கழகம், ஹார்வர்டு மருத்துவப் பள்ளியில் பட்டப்படிப்பு படித்துள்ளார்.

நேச்சர், த நியு இங்கிலாந்து ஜர்னல் ஆஃப் மெடிசின், த நியூயார்க் டைம்ஸ் மற்றும் த நியு ரிபப்ளிக் பத்திரிகைகளில் இவர் எழுதிய கட்டுரைகள் வெளியாகியுள்ளது குறிப்பிடத்தக்கது.

English summary

Indian American cancer specialist Siddhartha Mukherjee has bagged this year's Pulitzer prize in the general non-fiction category for his book "The Emperor of All Maladies: A Biography of Cancer".