பின்லேடன் படங்களை பகிரங்கமாக வெளியிட வேண்டும்-சிஐஏ

வாஷிங்டன்: உலக மக்கள் அறிந்து கொள்ளும் வகையில் பின்லேடன் மரணப் புகைப்படங்களை வெளியிடுவது அவசியம், முக்கியமானது என்று சிஐஏ இயக்குநர் லியான் பெனிட்டா கூறியுள்ளார்.

பின்லேடன் கொல்லப்பட்டது தொடர்பான புகைப்படங்கள் மற்றும் வீடியோவை அமெரிக்கா வைத்துள்ளது. மேலும் பின்லேடன் கொல்லப்பட்ட காட்சிகளை நேரடியாக அதிபர் ஒபாமா உள்ளிட்டோர் வீடியோ மூலம் பார்த்தும் உள்ளனர்.

ஆனால் பின்லேடன் கொல்லப்பட்டது தொடர்பான புகைப்படத்தையோ அல்லது வீடியோ காட்சிகளையே அமெரிக்கா வெளியிடாமல் உள்ளது. இதனால் பல்வேறு சர்ச்சைகள், சந்தேகங்கள் எழுந்துள்ளன.

பின்லேடன் கொல்லப்பட்டது உண்மையாக இருந்தாலும் கூட இவற்றை ஏன் அமெரிக்கா வெளியிட மறுக்கிறது என்ற கேள்வி பலமாக எழுந்துள்ளது. அதேசமயம், இவை பார்க்க மிகவும் குரூரமாக, கோரமாக இருக்கும் என்பதால் வெளியிட்டால் பிரச்சினை வரும் என்று அமெரிக்கா காரணம் கூறியுள்ளது.

இந்த நிலையில் இப்படங்களை உலக மக்கள் பார்க்க வேண்டும், அது முக்கியம் என்று சிஐஏ இயக்குநர் பெனிட்டா கூறியுள்ளார். இதுகுறித்து அவர் கூறுகையில், உலகம் அல் கொய்தா தலைவர் பின்லேடனின் உடலைப் பார்க்க வேண்டும். அதற்கான வாய்ப்பை அமெரிக்கா ஏற்படுத்திக் கொடுக்க வேண்டியது அவசியம்.

இது முக்கியமானது என்று கருதுகிறேன். எனவே இதை வெளியிட வேண்டியதும் அவசியமாகிறது. நிச்சயம் இப்படங்களை அமெரிக்கா வெளியிடும் என்பதில் சந்தேகம் இல்லை. அது எப்போது என்பதுதான் தெரியவில்லை. அதுகுறித்து முடிவெடுக்க வேண்டியது வெள்ளை மாளிகைதான் என்றார்.

எத்தனை படங்கள்?

பின்லேடன் கொலை தொடர்பாக மூன்று செட் படங்களை அமெரிக்கா வைத்துள்ளதாக பெயர் குறிப்படி விரும்பாத வெள்ளை மாளிகை அதிகாரி ஒருவர் தெரிவித்துள்ளார். ஆனால் மொத்தம் எத்தனை படங்கள் உள்ளன என்பதை அவர் தெரிவிக்கவில்லை.

முதல் செட் படத்தில், பின்லேடனின் உடல் முழுமையாக புகைப்படம் எடுக்கப்பட்டுள்ளது. ஆப்கானிஸ்தானுக்கு பின்லேடன் கொண்டு செல்லப்பட்ட பின்னர் எடுக்கப்பட்ட படம் இது என்று தெரிகிறது.

இன்னொரு படத்தில் மிகவும் சிதைந்த நிலையில் உள்ள பின்லேடனின் முகம் காணப்படுகிறதாம். இதில் துப்பாக்கிக் குண்டுகள் பின்லேடனின் தலையை பிளந்து சென்றதால் தலையில் ஏற்பட்ட பெரும் ஓட்டை மற்றும் வெளியில் தெரித்து விழுந்த கண்களுடன் பார்க்கவே கோரமாக காணப்படுகிறதாம்.

இன்னொரு புகைப்படத்தில், பின்லேடன் வீட்டிற்குள் அமெரிக்கப் படையினர் நுழைந்து தாக்குதல் நடத்தியது உள்ளது. அதேபோல பின்லேடன் உடலை கடலில் புதைத்ததையும் புகைப்படம் எடுத்துள்ளதாம் அமெரிக்கா.

English summary

Even as the US mulls over releasing the "gruesome" pictures of Osama bin Laden's body, CIA Director Leon Panetta feels it is "important" for the world to see photos of Al-Qaeda chief's corpse."I just think it's important, they know we have it, to release it," Panetta was quoted as saying by CNN. The report, however, did not mention where the CIA boss spoke. Panetta said he thought the photos of bin Laden's body will be released at some point, but that it is up to the White House to make the final call. Quoting an unidentified senior US official, CNN said the White House has received three sets of photographs. The first batch, which clearly show bin Laden's body, was taken at a hangar in Afghanistan, the official said. The official described one of the images as a clear but gruesome picture of his face. Bin Laden is reportedly shown with a massive open-head wound across both eyes. The other photos include the raid on the compound and bin Laden's burial at sea, according to the official.