அடுத்த ஆண்டு பஜெரோ ஸ்போர்ட்டை அறிமுகம் செய்ய எச்.எம். திட்டம்
மிட்சுபிஷியின் பஜெரோ ஸ்போர்ட் எஸ்.யூ.வீ. அறிமுகம் குறித்து அடிக்கடி யூக தகவல்கள் வெளியாகி பரபரப்பை ஏற்படுத்தி வந்தன. இந்த நிலையில், அடுத்த ஆண்டு ஜனவரியில் நடைபெற உள்ள டெல்லி ஆட்டோ எக்ஸ்போவில் பஜெரோ ஸ்போர்ட்டை அறிமுகம் செய்ய எச்.எம். திட்டமிட்டுள்ளதாக தகவல்கள் வெளியாகியுள்ளன.
பாரத் ஸ்டேஜ் -4 மாசுக் கட்டுப்பாட்டு விதிகளுக்குட்பட்ட பஜெரோ காரை சமீபத்தில்தான் ஹிந்துஸ்தான் மோட்டார்ஸ் அறிமுகம் செய்தது. இந்த நிலையில், சந்தையில் பஜெரோவின் மார்க்கெட்டை தக்கவைக்கும் விதமாக வடிவமைப்பு மற்றும் வசதிகளில் குறைவில்லாத புதிய பஜெரோ ஸ்போர்ட் காரை அறிமுகம் செய்ய எச்.எம். திட்டமிட்டுள்ளது.
2.5 லிட்டர் 16 வால்வு இன்டர்கூல்டு எஞ்சினுடன் வருகிறது பஜெரோ ஸ்போர்ட் கார். இந்த எஞ்சின் 134 பிஎச்பி திறனை வெளிப்படுத்தும் ஆற்றல்கொண்டதாக இருக்கும். ஆப் ரோடு சாகச பயணங்களுக்கு ஏற்ற 4 வீல் டிரைவ் மற்றும் 215 மி.மீ. கிரவுண்ட் கிளியரன்ஸ் கொண்டதாக வருகிறது பஜெரோ ஸ்போர்ட்.
இன்னும் பிற தொழில்நுட்ப அம்சங்களுடன் 7 இருக்கைகள் கொண்டதாக வரும் பஜெரோ ஸ்போர்ட் இந்தியாவில் ரூ.20 லட்சம் முதல் ரூ.23 லட்சம் வரையிலான விலையில் அறிமுகம் செய்யப்படலாம் என தெரிகிறது.
Click it and Unblock the Notifications
Sign in with Google