நீச்சல் உடையில் லட்சுமி படம்-ஆஸ்திரேலிய நிறுவனம் மன்னிப்பு

மெல்போர்ன்: நீச்சல் உடையில் இந்துக் கடவுள் லட்சுமியின் படத்தை அச்சிட்டதற்காக ஆஸ்திரேலியாவைச் சேர்ந்த நிறுவனம் மன்னிப்பு கோரியுள்ளது.

சமீபத்தில் ஆஸ்திரேலியாவில் நடந்த நிகழ்ச்சி ஒன்றில் லிசா ப்ளூ ஸ்விம்வேர் நிறுவனத்தின் புதிய நீச்சலுடைகள் அறிமுகப்படுத்தப்பட்டன. அப்போது ஒரு மாடல் அழகி, அணிந்து வந்த நீச்சல் உடை இந்துக்களை பெரும் அதிர்ச்சியில் ஆழ்த்தியது.

காரணம், அந்த உடையில் கடவுள் லட்சுமியின் படத்தை அச்சிட்டிருந்ததால். இதற்கு இந்தியாவிலும், உலகெங்கும் உள்ள இந்து அமைப்புகளிடமிருந்தும் கடும் எதிர்ப்புக் கிளம்பியது.

இதையடுத்து அஏந்த நிறுவனம் தனது தவறுக்காக மன்னிப்பு கேட்டுள்ளது. இதுகுறித்து லிசா நிறுவனம் வெளியிட்டுள்ள அறிக்கையில், இந்துக் கடவுள் லட்சுமியின் படம் லிசா ப்ளூ ஸ்மிம்வேர் நிறுவனத் தயாரிப்பில் இடம் பெற்றதால், யாருக்கேனும் மன வருத்தம் ஏற்பட்டிருந்தால் அதற்காக நாங்கள் மன்னிப்பு கேட்டுக் கொள்கிறோம். அந்த தயாரிப்பை விற்பனைக்கு விடாமல் நிறுத்தி வைக்க உத்தரவிட்டுள்ளோம். மேலும் விற்பனைக்குப் போய் விட்டவற்றை விற்க வேண்டாம் என்றும் கேட்டுக் கொண்டுள்ளோம் என்று கூறப்பட்டுள்ளது.

உலகின் எந்தப் பகுதியிலும் இந்த லட்சுமி நீச்சல் உடை விற்கப்பட மாட்டாது என்றும் அந்த நிறுவனம் உறுதியளித்துள்ளது.

English summary

An Australian swimwear label company, which triggered a controversy by depicting an image of Goddess Lakshmi on a bikini bottom and front of a model, has apologised to the Hindu community for hurting their sentiments. "We would like to offer an apology to anyone we may have offended and advise that the image of Goddess Lakshmi will not appear on any piece of Lisa Blue swimwear for the new season, with a halt put on all production of the new range and pieces shown on the runway removed," said a statement issued by the Lisa Blue Swimwear. "This range will never be available for sale in any stockists or retail outlets anywhere in the world."