ஹோட்டல் பணிப்பெண்ணை பலாத்காரம் செய்த ஐஎம்எப் நிர்வாக இயக்குநர் கைது!

நியூயார்க்: ஹோட்டல் பணிப்பெண்ணை பாலியல் பலாத்காரம் செய்ததாக சர்வதேச நிதி அமைப்பான ஐஎம்எப்பின் நிர்வாக இயக்குநர் டொமினிக் ஸ்ட்ராஸ் கான் கைது செய்யப்பட்டுள்ளார்.

இதுகுறித்து நியூயார்க் போலீஸ் செய்தி தொடர்பாளர் கூறுகையில், "நியூயார்க் ஹோட்டலில் தங்கியிருந்த ஸ்ட்ராஸ் கான் அந்த ஹோட்டலின் பணிப்பெண்ணை பலாத்காரம் செய்ய முயன்றதாக புகார் தரப்பட்டுள்ளது", என்றார்.

புகார் கொடுத்த அந்த பணிப்பெண்ணுக்கு வயது 32. அவர் கூறுகையில், "பிற்பகல் நான் ஸ்ட்ராஸ் கான் அறைக்குப் போனேன். அப்போது என்னை பிடித்து படுக்கையில் தள்ளி பலாத்காரம் செய்ய முயன்றார் அவர். நான் உடனே அறையை விட்டு ஓடினேன்," என்றார்.

ஸ்ட்ராஸ் கானின் செல்போன் உள்ளிட்ட பல பொருள்கள் ஹோட்டல் அறையிலேயே உள்ளதாக போலீசார் தெரிவித்தனர்.

இப்போது போலீஸ் கஸ்டடியில் இருக்கும் ஸ்ட்ராஸ் கானிடம், அவரது பாலியல் பலாத்கார முயற்சி குறித்து போலீசார் விசாரித்து வருகிறார்கள்.

English summary

Dominique Strauss-Kahn, the head of the International Monetary Fund has been taken into custody by New York City police and is being questioned in connection with a sexual assault of a hotel maid.