வில்லியமின் மைத்துனியுடன் தம்பி ஹாரி காதல்?

இளவரசர் வில்லியமின் மனைவி கேத்தரின் மிடில்டனின் தங்கை பிப்பா மிடில்டனுக்கும், வில்லியமின் தம்பி இளவசர் ஹாரிக்கும் இடையே காதல் மலர்ந்துள்ளதாக இங்கிலாந்து பூராவும் 'குசுகுசுவென' பேசிக் கொள்கிறார்கள்.

சார்லஸ்-டயானா தம்பதிக்கு 2 மகன்கள். மூத்தவர் வில்லியம், இளையவர் ஹாரி. இவர்களில் வில்லியமுக்கு சமீபத்தில்தான் திருமணம் நடந்தது. தனது காதலி கேத்தரின் மிடில்டலனை மணந்து கொண்டார் வில்லியம். கேத்ரீனாவி்ன் தங்கை பிப்பா மிடில்டன். தற்போது பிப்பாவுக்கும், வில்லியமின் தம்பி ஹாரிக்கும் இடையே காதல் பூத்துள்ளதாக செய்திகள் வெளியாகியுள்ளன.

இருவரும் லண்டன் செல்சியா பகுதியில் உள்ள தி டிரபடோர் என்ற பப்புக்கு ரகசியமாக டேட்டிங் போனதாக செய்திகள் தெரிவிக்கின்றன. மேலும் இருவரும் அடிக்கடி பப்புகளுக்குப் போவதாகவும், சேர்ந்து சாப்பிடுவதாகவும் கூறப்படுகிறது.

இதுகுறித்து ஹாரியையும், பிப்பாவையும் சேர்த்துப் பார்த்த ஒருவர் கூறுகையில், கடந்த வாரம்தான் இருவரையும் சேர்த்துப் பார்த்தேன். இருவரும் மதிய வேளையில் வந்தனர். ஒன்றாக அமர்ந்தனர். டீ மற்றும் கேக்குளைச் சாப்பிட்டனர்.

இங்கு ஹாரி அடிக்கடி வருவது வழக்கம். பெரும்பாலும் தனியாகத்தான் வருவார். அமைதியாக பீர் சாப்பிடுவார். ஆனால் கடந்த வாரம் அவர் பிப்பாவுடன் வந்தார்.

அவர்களை முதலில் அனைவரும் ஆச்சரியத்துடன் பார்த்தனர். இருப்பினும் பின்னர் அவர்களைக் கண்டு கொள்ளாமல் அவரவர் வேலையில் மூழ்கி விட்டனர் என்றார்.

பிப்பாவுக்கு 27 வயதாகிறது. பிப்பாவுக்கு ஏற்கனவே ஒரு காதலர் இருந்தார். அவரது பெயர் அலெக்ஸ் லெளடன். ஆறு மாதங்களுக்கு முன்புதான் லெளடனை விட்டுப் பிரிந்தார் பிப்பா.

இந்த நிலையில் ஹாரியுடன் அவர் சேர்ந்து சுற்றுவதாக வந்துள்ள தகவலால் ஹாரிக்கும், பிப்பாவுக்கும் இடையே காதல் பூத்துள்ளதாக செய்திகள் பரவ ஆரம்மபித்துள்ளன.

English summary

Rumours are rife that the newly-single Pippa Middleton might be dating Prince Harry. According to reports, the two have been spending cosy afternoons together at a pub. They apparently also met for a secret date at The Troubador pub in London's Chelsea. The 27-year-old beauty, sister of Duchess Catherine, recently parted ways with her boyfriend of six months, Alex Loudon.