இங்கிலாந்து பெண்களின் மேக்- அப் செலவு ரூ. 70 லட்சம் மட்டுமே! ஆய்வு

லண்டன்: இங்கிலாந்து பெண்கள் தங்கள் வாழ்நாளில் அழகு சாதனப் பொருட்களுக்கு மட்டும் ரூ. 70 லட்சம் செலவிடுகின்றனர் என்று ஆய்வறிக்கை ஒன்று தெரிவித்துள்ளது.

இங்கிலாந்து பெண்கள் தங்கள் வாழ்நாளில் அழகு சாதனப் பொருட்களுக்காக எவ்வளவு செலவிடுகின்றனர் என்று ஒரு ஆய்வு நடத்தப்பட்டது. இதில் சுமார் 2 ஆயிரத்து 200 பெண்களிடம் கேள்விகள் கேட்கப்பட்டது.

இங்கிலாந்து பெண்கள் வாரத்திற்கு ரூ. 2 ஆயிரத்து 889-க்கு அழகு சாதனப் பொருட்கள் வாங்குகின்றனர். இந்த கணக்கெடுப்பில் கலந்து கொண்டவர்களில் 57 சதவீதம் பேர் மேக்-அப் இல்லாமல் வெளியே வருவதை விரும்பவில்லை.

தங்களிடம் உள்ள அழகுசாதனப் பொருட்களை மாற்ற ரூ. 40 ஆயிரத்தில் இருந்து ரூ. 50 ஆயிரம் வரை செலவு செய்கின்றனர். சராசாரி இங்கிலாந்து பெண்ணிடம் 54 வகையான அழகு சாதனப் பொருட்கள் உள்ளது. இதன் மதிப்பு ரூ. 40 ஆயிரம். இந்த பொருட்கள் 12-க்கும் மேற்பட்ட நாடுகளில் தயாரிக்கப்பட்டவை.

ஒவ்வொரு பெண்ணும் தனது கைப்பையில் வைத்திருக்கும் அழகு சாதனப் பொருட்களின் விலை மட்டுமே ரூ. 10 ஆயிரம்.

இங்கிலாந்து பெண்களில் 56 சதவீதம் பேர் அழகு சாதனப் பொருட்கள் எவ்வளவு விலையானாலும் வாங்கத் தயங்குவதில்லை.

English summary

A study has revealed that England women are spending a whooping Rs. 70 lakh on make-up items in their lifetime. Even their mobile make-up set costs Rs. 10, 000. Average British women have 54 different items in their make-up drawer.