விண்வெளிக்குச் செல்ல இளவரசர் ஹாரி திட்டம்-நாசாவில் தீவிர பயிற்சி

லண்டன்: இங்கிலாந்து ராஜ பரம்பரையிலேயே முதல் முறையாக விண்வெளிக்குப் பயணம் மேற்கொள்ளவுள்ளார் இளவரசர் ஹாரி. இதற்காக அவர் நாசாவில் தீவிர பயிற்சி எடுத்து வருகிறார்.

மறைந்த இங்கிலாந்து இளவரசி டயானாவின் இளைய மகன் இளவரசர் ஹாரி. இவருக்கு விண்வெளிக்குச் செல்ல வேண்டும் என்ற ஆசை நீண்ட காலமாகவே உண்டு. இதை நிறைவேற்ற தற்போது அவர் தீவிர முயற்சிகளில் இறங்கியுள்ளார்.

இதற்காக நாசாவின் டி38 பயிற்சி ஜெட் விமானத்தில் 1000 மணிநேர பயிற்சி மேற்கொள்ள உள்ளார்.

தற்போது 26 வயதாகும் ஹாரி, ராணுவ விமான பைலட்டாக உள்ளார். ஆப்கானிஸ்தானில் போரிட்டு வரும் நேட்டோ படையின் ஒரு அங்கமான இங்கிலாந்து சார்பில், ஹாரி இந்தாண்டு ஆப்கானிஸ்தான் செல்கிறார்.

அடுத்தாண்டு அங்கிருந்து இங்கிலாந்திற்கு திரும்பும் ஹாரி, நாசாவின் கவுரவ உறுப்பினராகி, விண்வெளி பயிற்சிகளில் ஈடுபடுபவர். நாசாவின் பயிற்சி மையம் உள்ள ஹூஸ்டனில், விண்வெளிச் சூழலில் மிதப்பது குறித்த பயிற்சியை மேற்கொள்வார்.

இதுவரை இங்கிலாந்து ராஜ குடும்பத்திலிருந்து யாரும் விண்வெளிக்குச் சென்றதில்லை. ஹாரி சென்றால் அது புதிய வரலாறாக மாறும்.

English summary

Britain Prince Harry wants to be the first Royal in space and wants to undergo NASA training. For this the army pilot Harry needs a minimum of 1,000 hours of advanced jet engine flight time to be considered by NASA. The training will be held on next year.