பாகிஸ்தான் தீவிரவாதிகளுக்கு ஆயுதம் கொடுத்தோமா? பெலாரஸ் பதில்
மின்ஸ்க்: பாகிஸ்தான் பயங்கரவாதிகளுக்கு சட்டவிரோதமாக ஆயுதம் விற்பனை செய்யவில்லை என்று பெலாரஸ் தெரிவித்துள்ளது.
இது குறித்து பெலாரஸ் வெளியுறவுத்துறை அமைச்சக செய்தித் தொடர்பாளர் கூறியதாவது,
பாகிஸ்தான் பயங்கரவாதிகளுக்கு பெலாரஸ் சட்டவிரோதமாக ஆயுதங்கள் விற்பனை செய்வதாக இணையதளங்களில் வெளியாகும் தகவல்களில் உண்மையில்லை. இது நமது எதிரிகளின் வேலை. இது போன்று குற்றம்சாட்டுவது இந்த ஆண்டில் இது ஒன்றும் முதல் முறையன்று என்றார்.
பாகிஸ்தானின் தெஹ்ரிக் இ தலிபான் மற்றும் லஷ்கர் இ தொய்பா அமைப்புகளுக்கும், சிரியா மற்றும் குர்திஸ்தான் பயங்கரவாதிகளுக்கும் பெலாரஸில் இருந்து ஆயுதங்கள் செல்வதாக இணையதளங்களில் செய்திகள் வெளியாகின என்பது குறிப்பிடத்தக்கது.
பாகிஸ்தானுக்காக செயற்கைகோளை ஏவும் சீனா:
இந் நிலையில் பாகிஸ்தானின் தொலைத்தொடர்பு செயற்கைக்கோளான பாக்சாட் 1 ஆர்-ஐ சீனா ஏவுகின்றது. அந்த செயற்கைக்கோள் உரிய நேரத்தில் ஏவப்படும் என்று சீன செயத்தித் தொடர்பாளர் ஒருவர் தெரிவித்தார்.
Click it and Unblock the Notifications
Sign in with Google