அமெரிக்க அதிபர் தேர்தல்: ரோம்னிக்கு வழிவிட்டு சான்டோரம் விலகல்

வாஷிங்டன்: குடியரசுக் கட்சி சார்பில் அமெரிக்க அதிபர் தேர்தலில் போட்டியிட பிரச்சாரம் செய்து கொண்டிருந்த ரிக் சான்டோரம் திடீர் என்று விலகியுள்ளார். இதனால் மிட் ரோம்னி தான் அதிபர் ஒபாமாவை எதிர்த்து போட்டியிடுவார் என்று கூறப்படுகிறது.

அமெரிக்காவில் வரும் நவம்பர் மாதம் அதிபர் தேர்தல் நடக்கிறது. இதில் ஜனநாயகக் கட்சி சார்பில் மீண்டும் ஒபாமாவே போட்டியிடுகிறார். குடியரசு கட்சி சார்பில் போட்டியிட வேட்பாளர் தேர்வு நடைபெற்று வருகிறது. இக்கட்சி சார்பில் போட்டியிட விரும்புபவர்களின் செல்வாக்கை அறிய ஒவ்வொரு மாகாணத்திலும் உட்கட்சி தேர்தல் நடத்தப்படுகிறது.

குடியரசு கட்சி சார்பில் மிட் ரோம்னி உள்பட 12க்கும் மேற்பட்டோர் போட்டியிடுகின்றனர். பல மாகாணங்களில் ரோம்னி தொடர்ந்து வெற்றி பெற்று வருகிறார். மிட் ரோம்னி மாசசூசட்ஸ் மாகாணத்தின் முன்னாள் ஆளுநர் ஆவார். சமீபத்தில் அமெரிக்காவில் நடத்தப்பட்ட கருத்துக் கணிப்பிலும் கூட ஒபாமாவுக்கு கடும் போட்டியை ஏற்படுத்தக் கூடியவராக ரோம்னி இருப்பார் என்றே முடிவுகள் வெளியாகின.

இந்நிலையில் குடியரசுக் கட்சி வேட்பாளரான முன்னாள் பென்னிசில்வேனியா ஆளுநர் ரிக் சான்டோரம் தேர்தலில் இருந்து விலகுவதாக நேற்று அறிவி்துதள்ளார். தனது இளைய மகள் பெல்லா(3) உடல் நிலை பாதிக்கப்பட்டதால் அவர் இந்த முடிவை எடுத்ததாகக் கூறப்படுகிறது.

குடியரசுக் கட்சியில் ரோம்னிக்கு அடுத்தபடியாக செல்வாக்குள்ள ஆளாக இருந்த ரிக் விலகியுள்ளதால் அதிபர் தேர்தலில் ஒபாமாவை எதிர்த்து ரோம்னி போட்டியிடுவது கிட்டத்தட்ட உறுதியாகிவிட்டது. ரிக் தேர்தலில் இருந்து விலகியது பற்றி அறிந்ததும் ரோம்னி அவரை வாழ்த்தியுள்ளார்.

English summary

Rick Santorum, the former US senator has suspended his campaign for the Republican presidential nomination clearing way for Mitt Romney. It is more or less clear that Romney will challenge Barack Obama in the presidential election in November.