மோடிக்கு விசா வழங்குவதில்லை என்ற முடிவில் மாற்றம் இல்லை: அமெரிக்கா

வாஷிங்டன்: குஜராத் முதல்வர் நரேந்திர மோடிக்கு விசா வழங்குவதில்லை என்ற கொள்கை முடிவில் மாற்றம் இல்லை என்று அமெரிக்கா மீண்டும் திட்டவட்டமாகத் தெரிவித்துள்ளது.

மோடிக்கு விசா வழங்க வேண்டும் என்று அந்நாட்டு வெளியுறவுத் துறை அமைச்சர் ஹிலாரி கிளிண்டனுக்கு அமெரிக்க எம்.பி.வால்ஸ் கடிதம் ஒன்றை அனுப்பியிருந்தார்.

இது தொடர்பாக செய்தியாளர்கள் எழுப்பிய கேள்விக்குப் பதிலளித்த அமெரிக்க வெளியுறவுத்துறைச் செயலாலர் விக்டோரியா நுலந்த் கூறுகையில், நரேந்திர மோடிக்கு விசா வழங்கக் கூடாது என்பது 2005-ம் ஆண்டே முடிவெடுக்கப்பட்டது. அதில் எந்த ஒரு மாற்றமும் இல்லை என்றார்.

இதனிடையே அமெரிக்கா வாழ் இந்திய முஸ்லிம்கள் அமைப்பும் நரேந்திர மோடிக்கு விசா வழங்கக் கூடாது என்ற 2005-ம் ஆண்டு முடிவை மாற்றிக் கொள்ளக் கூடாது என்று வலியுறுத்தியுள்ளது. மேலும் அமெரிக்க எம்.பி; வால்ஸ், நரேந்திர மோடியை ஆதரிப்பதை அந்த அமைப்பு கடுமையாக விமர்சனம் செய்துள்ளது.

குஜராத்தில் சிறுபான்மையினர் படுகொலை செய்யப்பட்டதைத் தொடர்ந்து மோடிக்கு விசா வழங்குவதில்லை என்று அமெரிக்க அரசு தீர்மானித்திருந்தது குறிப்பிடத்தக்கது.

English summary

The United States on Wednesday announced that there is no change in its visa policy for Gujarat Chief Minister Narendra Modi. "Our position on the visa issue hasn't changed at all," State Department spokesperson Victoria Nuland told reporters at her daily news conference.