கல்யாணமான காதலியை மீண்டும் தன் வலையில் வீழ்த்திய வட கொரிய அதிபர்?

சியோல்: ஏற்கனவே திருமணமான ஒரு பாடகியுடன், வட கொரிய அதிபர் கிம் ஜோங் உன் காதல் கொண்டுள்ளதாக செய்திகள் வெளியாகியுள்ளன. சமீபத்தில் நடந்த நிகச்சி ஒன்றில் அந்தப் பாடகி, கிம்முக்கு அருகில் அமர்ந்திருந்தார்.

அநத்ப் பெண்ணின் பெயர் ஹியான் சாங் வோல் என்று தென் கொரிய உளவு அமைப்புகள் தெரிவித்துள்ளன. வட கொரியாவில் பிரபலமான பாடகி இவர். ஒரு பாண்ட் குழுவுடன் இணைந்து கச்சேரிகள் நடத்தி வருபவர்.

கிம்மின் தந்தை கிம் ஜோங் இல் உடல் நலக்குறைவு காரணமாக பதவியிலிருந்து இறங்கியதும், கிம் ஜோங் உன் அடுத்த அதிபராக அறிவிக்கப்பட்டதும் பொது மேடைகளில் பாடுவதை விட்டு விட்டார் ஹியான். அதன் பிறகு அவரைக் காணவும் இல்லை. இந்த நிலையில் தற்போது கிம்முடன் இணைந்து அவர் காணப்படுகிறார்.

இவர்கள் ஏற்கனவே காதலித்து வந்தவர்கள்தான். அதாவது கிம்மின் தந்தை உயிருடன் இருந்தபோதே நெருக்கமாக இருந்துள்ளனர். ஆனால் இந்த உறவை விட்டு விடுமாறு கிம்மிடம் அவரது தந்தை உத்தரவிட்டதால் தனது காதலை தற்காலிகமாக மறந்திருந்தார் கிம். அதன் பின்னர் ஹியான் வேறு ஒருவரை கல்யாணம் செய்து கொண்டார். அவர் மூலம் ஹியானுக்கு ஒரு குழந்தை கூட உண்டு.

தற்போது தனது தந்தை இறந்து, தானும் அதிபராகி விட்டதால், மீண்டும் ஹியானை தன் பக்கம் கிம் இழுத்துக் கொண்டு வந்து விட்டதாக கூறப்படுகிறது.

இந்த காதல் விவகாரம் குறித்து வட கொரிய மீடியாக்கள் அதிகம் எழுதுவதில்லை. காரணம், கிம்மின் கோபத்துக்கு ஆளாகி விடக் கூடாது என்பதற்காக.

வட கொரிய தலைவராக உள்ள கிம்முக்கு 28 வயதுதான் ஆகிறது என்பது நினைவிருக்கலாம்.

English summary

Kim Jong Un s having an affair with a previously married singer who has been pictured with the North Korea leader at several recent events, say reports. Her name is Hyan Song Wol, she is popular among the North Korea masses.