ஆப்கனிலிருந்து அமெரிக்க படைகளை திரும்பப் பெறும் திட்டம் ரோம்னியிடம் இல்லை: ஒபாமா

நியூயார்க்: ஆப்கானிஸ்தானிலிருந்து அமெரிக்க படைகளை திரும்ப அழைப்பது குறித்த எந்த திட்டமும் மிட்ரோம்னியிடம் இல்லை என்று அமெரிக்க அதிபர் பராக் ஒபாமா குற்றம் சாட்டியுள்ளார்.

அமெரிக்காவில் நடைபெற உள்ள அதிபர் தேர்தலில் அதிபர் வேட்பாளராக குடியரசுக் கட்சி சார்பில் மிட் ரோம்னியும், ஜனநாயகக் கட்சி சார்பில் அதிபர் ஒபாமாவும் போட்டியிடுகின்றனர். ரோம்னியின் வெளியுறவுத்துறை கொள்கைகளை ஒபாமா கட்சியினர் கடுமையாக விமர்சனம் செய்து வருகின்றனர்.

இந்நிலையில் கொலராடோ மாகாணத்தில் நடந்த தேர்தல் பிரசாரத்தில் ஒபாமா பேசியதாவது:

ஆப்கனிலிருந்து நமது படைகளைத் 2014-ம் ஆண்டுக்குள் திரும்ப அழைக்க நாங்கள் தீர்மானித்துள்ளோம். கடந்த வாரம் டாம்பா நகரில் ரோம்னி பிராசரம் செய்தபோது இது குறித்து எதுவும் தெரிவிக்கவில்லை. இந்த மாதத்தின் இறுதியில் ஆப்கனிலிருந்து நாடு திரும்ப உள்ள 33 ஆயிரம் வீரர்கள் குறித்து அவரிடம் எந்தத் திட்டமும் இல்லை. அவரது கொள்கை தவறாக உள்ளது. இதுவே இந்தத் தேர்தலில் திருப்பமாக இருக்கும்.ஆப்கனில் மேற்கொண்டுள்ள போரின் எதிர்காலம் உங்கள் கையில் உள்ளது. அது நவம்பர் மாதம் தீர்மானிக்கப்படும் என்றார்.

English summary

US President Barack Obama has lashed out at rival Republican candidate Mitt Romney for not having any timetable withdrawal of troops from Afghanistan, while his top aide said there would be American troops inside the war-torn country even after 2014.