ராஜ குடும்பத்திற்கு மறுபடியும் ஒரு 'சங்கட்டம்'...மேலாடை இல்லாத கேட் படம் ரிலீஸ்!

லண்டன்: இங்கிலாந்து இளவரசர் வில்லியமின் மனைவி கேட் மிடில்டனின் டாப்லெஸ் படத்தை வெளியிட்டு இங்கிலாந்து ராஜ குடும்பத்திற்கு மறுபடியும் ஒரு 'சங்கட்டத்தை' ஏற்படுத்தியுள்ளது பிரெஞ்சுப் பத்திரிக்கை ஒன்று.

இங்கிலாந்து ராஜ குடும்பத்தினரின் ஒவ்வொரு அசைவும், நகர்வும் மேற்கத்திய மீடியாக்களுக்கு பெரிய நியூஸ். சமீபத்தில்தான் இளவரசர் ஹாரி, லாஸ் வேகாஸில் நிர்வாண கோலத்தில் சுற்றித் திரிந்த காட்சிகளை வெளியிட்டு பரபரப்பை ஏற்படுத்தி ஓய்ந்தார்கள். இப்போது ஹாரி எங்கு போனாலும், அவர் டிரஸ் போட்டுச் செல்வதாக வித்தியாசமாக செய்தி வெளியிட்டு கலகலக்க வைக்கிறார்கள்.

இந்த நிலையில் தற்போது இளவரசர் ஹாரியின் அண்ணி அதாவது அண்ணன் வில்லியமின் மனைவி கேட் மிடில்டன் குறித்த ஒரு பரபரப்பைக் கிளப்பி விட்டுள்ளது பிரெஞ்சு பத்திரிக்கை ஒன்று. அதாவது கேட் மிடில்டனின் டாப்லெஸ் போஸ் படத்தை வெளியிட்டுள்ளது அந்த பத்திரிக்கை.

உலகிலேயே மிகவும் எக்ஸ்க்ளூசிவான படம் என்றும் அந்தப் பத்திரிக்கை இந்தப் படங்களை அறிவித்துள்ளது. தனது இணையதள பதிப்பு மூலம் இந்தப் படங்களை அது ரிலீஸ் செய்துள்ளது. அதில், ஒரு கெஸ்ட்ஹவுஸ் மாடியில் இளவரசி கேட் மிடில்டன் மேலாடை இல்லாமல் இருக்கும் படங்கள் இவை.

கடந்த வாரம் வில்லியமும், கேட் மிடில்டனும், பிரான்ஸில் சுற்றுப்பயணம் செய்தபோது இந்தப் படம் எடுக்கப்பட்டிருக்கலாம் என்று தெரிகிறது.

பத்திரிக்கையின் அட்டையிலும், உள்ள ஐந்து பக்கங்களிலும் இந்த டாப்லெஸ் படங்களைப் போட்டு நிரப்பியுள்ளது அந்தப் பத்திரிக்கை. கருப்பு வெள்ளை பிகினியில் காட்சி தரும் கேட், பல படங்களில் மேலாடை கூட இல்லாமல் தோன்றுகிறார்.

தற்போது வில்லியமும், கேட்டும் மலேசியா போயுள்ளனர். இந்தப் படங்கள் வெளியானது குறித்து இருவரும் பெரும் சோகமும், வருத்தமும் அடைந்துள்ளனராம்.

இப்படித்தான் முன்பு பிரெஞ்சு மீடியாக்கள் இளவரசி டயானாவை விடாமல் துரத்தினர். அந்த துரத்தல் 1997ம் ஆண்டு பெரும் துயரத்தில் முடிந்து, டயானா சாலை விபத்தில் சிக்கி பரிதாபமாக உயிரிழக்க நேரிட்டது என்று இங்கிலாந்து ராஜ குடும்பத்தின் விசுவாசிகள் கவலை தெரிவிக்கின்றனர். இப்போது கேட் மிடில்டனை இப்படிப் படம் எடுத்து வெளியிட்டுள்ளதன் மூலம் பிரான்ஸ் மீடியாக்களின் கொலை வெறி மோகம் மறுபடியும் பிறப்பெடுத்து விட்டதோ என்று ராஜ குடும்பத்தினரும் கவலை அடைந்துள்ளனராம்.

English summary

A French magazine has published topless pictures of Prince William's wife Catherine on Friday, in a move met with dismay by the royal couple. Announcing a world exclusive, Closer magazine invited readers, via its website, to pick up the new edition and enjoy "the photos that the world can't wait to see the Duchess of Cambridge topless on a guesthouse terrace". The pictures were apparently taken while the British royals were on holiday in France last week.