டிசிஎஸ்எஸை தோற்கடித்து கம்பெனிகள் நிர்வாகத்துறை புராஜெக்ட்டை பெறும் இன்போசிஸ்?

டெல்லி: இந்தியா போஸ்ட்டின் கான்டிராக்ட்டை பெற்ற சில மாதத்திற்குள் இன்போசிஸ் நிறுவனம் மத்திய கம்பெனிகள் விவாகரத்துறை அமைச்சகத்தின் புராஜெக்ட்டை பெறவிருக்கிறது.

மத்திய கம்பெனிகள் விவகாரத்துறை அமைச்சகம் எம்சிஏ-21 புராஜெக்ட்டை கடந்த 2002ம் ஆண்டு அறிமுகப்படுத்தியது. அதாவது அந்த அமைச்சகத்தின் மின் ஆளுகை திட்டமே எம்சிஏ 21. நிறுவனங்கள் தங்களை பதிவு செய்ய, உரிமையாளர் பெயர் மாற்றம் செய்ய, இறுதிநிலை அறிக்கை சமர்பிக்க, லாபம், நஷ்ட கணக்கு காட்ட இந்த இணையதளம் பெரும் உதவியாக உள்ளது.

இந்த திட்டத்தின் அடுத்த பிரிவைத் தொடங்கும் பணியை மேற்கொள்ள இன்போசிஸ், டி.சி.எஸ். உள்ளிட்ட பல்வேறு நிறுவனங்கள் போட்டி போட்டுக் கொண்டிருக்கின்றன. வரும் ஜனவரி மாதம் துவங்கி அடுத்த 6 ஆண்டுகள் நீடிக்கும் இத்திட்டத்தை பெற டென்டரில் டிசிஎஸ் ரூ.320 கோடியும், இன்போசிஸ் ரூ.260 கோடியும் குறிப்பிட்டுள்ளன.

இதனால் குறைவானத் தொகையை குறிப்பிட்டுள்ள இன்போசிஸ் நிறுவனத்திற்கு இந்த புராஜெக்ட் கொடுக்கப்பட அதிக வாய்ப்பு உள்ளது என்றும், அமைச்சகம் விரும்பினால் கால அளவு மேலும் 2 ஆண்டுகள் நீட்டிக்கப்படும் என்றும் மூத்த அதிகாரி ஒருவர் தெரிவித்தார்.

English summary

Infosys, the second largest Indian IT company is likely to get the next phase of MCA -21, a flagship project by corporate affairs ministry.