ஜெயலலிதாவுடன் 'புது அமைச்சர்' மோகன், இலாகாக்கள் மாறிய அமைச்சர்கள் சந்திப்பு

By Chakra

Published: Thursday, October 4, 2012, 19:19 [IST]

Subscribe to Oneindia Tamil

சென்னை: புதிய ஊரக தொழில்துறை அமைச்சராக நியமிக்கப்பட்டுள்ள மோகன் இன்று முதல்வர் ஜெயலலிதாவை சந்தித்து வாழ்த்துப் பெற்றார்.

அமைச்சரவையிலிருந்து சி.வி.சண்முகம் நீக்கப்பட்டு அவருக்குப் பதிலாக புதிய அமைச்சராகியுள்ளார் மோகன். அவர் இன்று தலைமைச் செயலகத்தில் முதல்வர் ஜெயலலிதாவை சந்தித்தார்.

கோகுல இந்திரா...

அதே போல சுற்றுலாத்துறை அமைச்சர் கோகுல இந்திரா தனது பிறந்தநாளையொட்டி குடும்பத்தினருடன், தலைமைச் செயலகத்தில் ஜெயலலிதாவை சந்தித்து வாழ்த்துப் பெற்றார்.

சிகிச்சைக்குப் பின் சந்தித்த அமைச்சர் தாமோதரன்:

அதே போல வேளாண்மைத்துறை அமைச்சர் தாமோதரன் மருத்துவமனையில் சிகிச்சை பெற்று, பூரண குணமடைந்ததையொட்டி தனது குடும்பத்தினருடன், தலைமைச் செயலகத்தில் இன்று முதல்வர் ஜெயலலிதாவை நேரில் சந்தித்து வாழ்த்துப் பெற்றார்.

மேலும் அமைச்சரவை மாற்றத்தையடுத்து துறைகள் மாற்றப்பட்ட அமைச்சர்களும் இன்று ஜெயலலிதாவை சந்தித்து வாழ்த்துப் பெற்றனர்.

சிவபதி...

பள்ளிக்கல்வி விளையாட்டு மற்றும் இளைஞர் நலத்துறை அமைச்சர் சிவபதி கூடுதலாக சட்டம், நீதிமன்றங்கள் மற்றும் சிறைத்துறை அளிக்கப்பட்டதையொட்டி, ஜெயலலிதாவை சந்தித்து வாழ்த்து பெற்றார்.

வணிகவரி துறை..

அதே போல வணிகவரி மற்றும் பதிவுத்துறை அமைச்சராக நியமிக்கப்பட்டதையொட்டி ரமணா, தலைமைச் செயலகத்தில் இன்று ஜெயலலிதாவை சந்தித்தார்.

சுற்றுச்சூழல் சம்பத்..

சுற்றுச்சூழல் துறை அமைச்சராக நியமிக்கப்பட்ட சம்பத்தும் முதல்வர் ஜெயலலிதாவை சந்தித்து வாழ்த்து பெற்றார்.

வளர்மதி...

சமூக நலத்துறை அமைச்சர் வளர்மதியிடம் கூடுதலாக சத்துணவு திட்டத்துறை அளிக்கப்பட்டதையொட்டி அவரும் ஜெயலலிதாவை சந்தித்து வாழ்த்து பெற்றார்

Published On October 4, 2012