இளவரசர் வில்லியமின் மனைவி கேட் கர்ப்பம்

நியூயார்க்: இங்கிலாந்து இளவரசர் வில்லியமின் மனைவி கேட் மிடில்டன் கர்ப்பமாக உள்ளார் என்று அவரது தோழி ஒருவர் தெரிவித்துள்ளார்.

இங்கிலாந்து இளவரசர் வில்லியம்(30) தனது நீண்ட நாள் காதலியான கேட் மிடில்டன்னை(30) கடந்த 2011ம் ஆண்டு ஏப்ரல் மாதம் 29ம் தேதி மணந்தார். அவர்கள் திருமணம் முடிந்ததில் இருந்தே கேட் எப்பொழுது கர்ப்பமாவார் என்ற பேச்சு தான். இந்நிலையில் அவர் கர்ப்பமாக இருப்பதாக அவரது தோழி ஜெசிகா ஹே என்பவர் ஆஸ்திரேலியாவைச் சேர்ந்த பத்திரிக்கை ஒன்றுக்கு தெரிவித்ததாக நியூயார்க் போஸ்ட் செய்தி வெளியிட்டுள்ளது.

இது குறித்த அதிகாரப்பூர்வ அறிவிப்பை அடுத்த மாதம் வெளியிட வில்லியம், கேட் தம்பதியினர் திட்டமிட்டுள்ளார்களாம். இரண்டு குழந்தைகள் போதும் என்று அவர்கள் திட்டமிட்டுள்ளதாக ஜெசிகா தெரிவித்துள்ளார்.

ராணி எலிசபெத்தின் வைர விழா கொண்டாட்டங்கள் மற்றும் லண்டன் ஒலிம்பிக் போட்டிகளுக்காக கேட் கர்ப்பம் தரிப்பதை தள்ளிப்போட்டதாகக் கூறப்பட்டது. கேட் பெற்றெடுக்கும் பிள்ளை ஆணோ, பெண்ணோ அது தான் இங்கிலாந்தின் சிம்மாசனத்தில் அடுத்து அமரும் என்று கூறப்படுகிறது.

English summary

Princess Kate Middleton is pregnant, said a close friend of her. The royal couple is planning to make an announcement next month, she added.