பிறந்தா சுவிட்சர்லாந்துல பிறக்கணும்… அநேகம் பேரின் விருப்பம்!
இங்கிலாந்து தலைநகர் லண்டனில் இருந்து தி எகனாமிஸ்ட் என்ற வார பத்திரிகை வெளியாகிறது. இந்த பத்திரிகையை சேர்ந்த தி எகனாமிஸ்ட் இன்டலிஜென்ஸ் யூனிட் என்ற பிரிவு சமீபத்தில் ஒரு ஆய்வு நடத்தியது.
மக்கள் வாழ்க்கை தரம் அதிகமுள்ள, சந்தோஷமான, சுகாதாரமான, பாதுகாப்பான, நம்பிக்கையுள்ள நாடு உலகத்திலேயே எது? என்ற கேள்விகள் முன்வைக்கப்பட்டன. கேள்விக்கு பதிலளித்தவர்கள் கூறிய சுவாரஸ்யமான தகவல்கள்:
சுவிட்சர்லாந்து முதலிடம்
உலகத்திலேயே சந்தோஷமான நாடு சுவிட்சர்லாந்து தான். இங்கு மக்களின் வாழ்க்கை தரம் அதிகமாக உள்ளது. அவர்கள் செல்வம் மிகுந்தவர்களாகவும், சுகாதாரம், பாதுகாப்பு, நிறுவனங்கள் மீது நம்பிக்கை போன்ற பல சிறந்த அம்சங்களுடன் வாழ்கின்றனர். இங்கு பிறப்பவர்களின் வாழ்க்கை சிறந்த முறையில் அமைகிறது.
சிங்கப்பூர் 6 வது இடம்
சந்தோஷமான நாடுகளில் டாப் பட்டியலில் 2வது இடத்தில் ஆஸ்திரேலியாவும், அடுத்து நார்வே, சுவீடன், டென்மார்க் ஆகிய நாடுகள் முதல் 5 இடங்களில் இடம்பெற்றுள்ளன.அடுத்ததாக சிங்கப்பூர், நியூசிலாந்து, நெதர்லாந்து, கனடா, ஹாங்காங் ஆகிய நாடுகள் இடம்பெற்றுள்ளன.
பணம் முக்கியம்தான்
அடுத்த ஆண்டு இந்த ஆண்டுகளில் பிறப்பவர்களின் வாழ்க்கை தரம் சிறப்பாக அமையும். வாழ்க்கையில் திருப்தி, சந்தோஷம் எப்படி இருக்கிறது என்பதன் அடிப்படையில் இந்த உண்மைகள் தெரிய வந்துள்ளன. வாழ்க்கையில் சந்தோஷமாக இருப்பதற்கு பணம் முக்கிய காரணமாக இருக்கிறது. எனினும், குற்றங்கள், பொது நிறுவனங்கள் மீதான நம்பிக்கை போன்ற பல விஷயங்கள் வாழ்க்கையில் சந்தோஷமாக இருப்பதற்கு முக்கிய காரணங்களாக உள்ளன. அதன் அடிப்படையில் மேற்கூறிய நாடுகள் சிறப்பாக உள்ளன.
66 வது இடத்தில் இந்தியா
அடுத்த ஆண்டு பிறப்பவர்கள் 2030ம் ஆண்டில் இளம் வயதை அடையும் போது அவர்களின் வருவாய் எப்படி இருக்கும் என்பது பற்றியும் ஆய்வு நடத்தப்பட்டது. இதிலும் சுவிட்சர்லாந்து உள்பட மேற்கூறிய நாடுகளே முன்னிலையில் உள்ளன. இந்த வரிசையில் இங்கிலாந்து 27வது இடத்திலும் இந்தியா 66வது இடத்திலும் உள்ளதாக தெரியவந்துள்ளது.
Click it and Unblock the Notifications
Sign in with Google