தலைகளை வெட்டி கொல்லும் வீடியோவை ஃபேஸ் புக்கில் வெளியிட்டவருக்கு ஜெயில்!

தீவிரவாதிகளுக்கு ஆதரவாக ஃபேஸ் புக்கில் தலைகளை வெட்டி கொல்லும் வீடியோ காட்சியை வெளியிட்ட இங்கிலாந்துகாரர் ஒருவருக்கு 5 ஆண்டு சிறை தண்டனை விதிக்கப்பட்டுள்ளது.

இங்கிலாந்தின் பிரஸ்டோன் நகரை சேர்ந்தவர் கிரெய்க் ஆலன் ஸ்லீ (42). இவர் பேஸ்புக்கில் தன் பெயரில் ஒரு கணக்கு தொடங்கினார். இதன்பின்னர் பிணை கைதிகளின் தலையை தலிபான் தீவிரவாதிகள் துண்டிக்கும் காட்சிகள் அடங்கிய வீடியோவை கிரெய்க் தனது பேஸ்புக்கில் வெளியிட்டார்.

தீவிரவாத தடுப்பு நடவடிக்கைகளில் ஈடுபட்டுள்ள போலீசார், ஆன்லைனில் உள்ள வீடியோ, மெசேஜ்களை தொடர்ந்து ஆய்வு செய்த போது, இதை கண்டுபிடித்தனர்.

இவருக்கு ஏற்கனவே தலிபான் அல்கொய்தா தீவிரவாதிகளுக்கும் தொடர்பு இருப்பதும் தெரியவந்தது. இதையடுத்து கடந்த 2011ம் ஆண்டு ஜூலை மாதம் கிரெய்க்கை கைது செய்து வழக்கு தொடர்ந்தனர்.அப்போது விசாரித்ததில் தீவிரவாதத்தை ஊக்குவித்தது, தடை செய்யப்பட்ட ஆயுதங்களை வைத்திருந்தது உள்பட 4 பிரிவுகளின் கீழ் இவர் மீது குற்றம் சாட்டப்பட்டது. விசாரணையின் போது இவற்றை கிரெய்க் ஒப்புக் கொண்டார். இதையடுத்து 5 ஆண்டு சிறை தண்டனை விதித்து நீதிமன்றம் தீர்ப்பளித்துள்ளது.

English summary

A British court has sentenced a man to five years in prison for posting gruesome beheading videos on Facebook.The 42-year-old Craig Slee also put online links to a communique by al-Qaida in the Islamic Maghreb, or AQIM, that encouraged terrorism.In one of two Facebook pages he created, Slee inferred he was a member of the Taliban and claimed he had been on trips to Afghanistan. But counterterrorism police found Slee had no connection to any terrorist organization.Det. Chief Supt.