சுட்டுக் கொல்லப்பட்ட பிஸ்டோரியஸ் காதலியின் கடைசி ஆசை என்ன தெரியுமா...?

ஜோஹன்னஸ்பர்க்: சுட்டுக் கொல்லப்பட்ட, தென் ஆப்பிரிக்க பாராலிம்பிக் வீரர் ஆஸ்கர் பிஸ்டோரியஸின் காதலி, ரீவா ஸ்டீன்கேம்ப் ஒரு தொலைக்காட்சிக்கு அளித்த பேட்டி தென் ஆப்பிரிக்காவில் ஒளிபரப்பாகி அனைவரையும் கலங்க வைத்துள்ளது.

ரீவா அளித்த கடைசிப் பேட்டி இதுதான். தி செளத் ஆப்பிரிக்கன் பிராட்காஸ்டிங் கார்ப்பரேஷன் டிவியின் டிராபிகா ஐலன்ட் டிரஷர் என்ற ரியாலிட்டி ஷோவில் கலந்து கொண்டு ரீவா அளித்த பேட்டியாகும் இது.

டிவியில் தான் அளித்த பேட்டியை மறக்காமல் அனைவரும் பாருங்கள் என்று தனது குடும்பத்தினர் ஒவ்வொருவரிடமும் ஆசையாக கோரிக்கை வைத்திருந்தாராம் ரீவா. கடைசியில் இதுவே அவரது கடைசியாக மாறிப் போனதுதான் சோகமானது என்று கூறியுள்ளார் ரீவாவின் உறவினரான ஷரோன்.

இந்த நிகழ்ச்சியின்போது படு மகிழ்ச்சியாக காணப்பட்டார் ரீவா. சிரித்தபடியும், பறக்கும் முத்தங்களைக் கொடுத்தபடியும் அவர் உற்சாகமாக காணப்பட்டார். கடந்த ஆண்டு ஜமைக்காவில் வைத்து இந்த ஷோவை படமாக்கினர். நீச்சல் உடையில் காணப்பட்ட ரீவா, கடலில் நீச்சலடித்தும் மகிழ்ந்தார்.

29 வயதான மாடல் அழகியான ரீவா சட்டம் படித்தவர் ஆவார். காதலர் தினத்தன்று தனது காதலர் பி்ஸ்டோரியஸ் வீட்டுக்குப் போயிருந்தபோது பிஸ்டோரியஸே அவரை சுட்டுக் கொன்று விட்டார். தற்போது பிஸ்டோரியஸ் கைது செய்யப்பட்டு சிறையில் அடைக்கப்பட்டுள்ளார்.

ரீவா, தென் ஆப்பிரிக்காவில் பிரபலமான மாடல் அழகியாவார். பல்வேறு விளம்பரங்களில் நடித்துள்ளார். ஆண்கள் பத்திரிகை அட்டைப் படமாக இடம் பெற்றுள்ளார்.

English summary

Reeva Steenkamp's last wish for her family before she was shot dead at boyfriend Oscar Pistorius' home was for them to watch her in a reality TV show that went on air in South Africa on Saturday night, two days after her killing. Sharon Steenkamp, Reeva's cousin, told The Associated Press that the model and law graduate was "proud of being in the show" and reminded them in their last conversation to make sure that they watched it.