கர்நாடகா சட்டசபை தேர்தல்- தயாராகிறது தேர்தல் ஆணையம்! அதிகாரிகள் இடமாற்றத்துக்கு உத்தரவு!

பெங்களூர்: கர்நாடகா மாநில சட்டசபை தேர்தல் தேதி அறிவிக்கப்பட இருப்பதால் 3 ஆண்டுகளுக்கும் மேலாக ஒரே இடத்தில் பணியாற்றுகின்ற அரசு அதிகாரிகளை உடனடியாக பணிமாற்றம் செய்ய தேர்தல் ஆணையம் உத்தரவிட்டிருக்கிறது.

கர்நாடகாவில் ஆளும் பாரதிய ஜனதா அரசின் பதவிக்காலம் முடிவடைகிறது. வரும் ஜூன் 3-ந் தேதிக்குள் சட்டசபை தேர்தல் நடத்த வேண்டியுள்ளது. அனேகமாக மே மாதம் கர்நாடகா சட்டசபை தேர்தல் நடைபெறக் கூடும்.

இதற்காக கடந்த 2 நாட்களாக தலைமை தேர்தல் ஆணையர் வி.எஸ்.சம்பத் தலைமையில், தேர்தல் ஆணையர்கள் பிரம்மா, சையது நசிம் அகமது ஆகியோர் கர்நாடகாவில் முகாமிட்டு ஆலோசனைகளை நடத்தினர்.

காங்கிரஸ், பாரதிய ஜனதா, மதச்சார்பற்ற ஜனதா தளம் உள்ளிட்ட கட்சிகளின் தலைவர்களை சந்தித்து சட்டசபை தேர்தல் குறித்து குறித்து விவாதித்தனர். பின்னர் செய்தியாளர்களிடம் பேசிய தலைமைத் தேர்தல் ஆணையர் சம்பத், சட்டசபை தேர்தலுக்கான தொடக்கப் பணிகள் திருப்தி அளிக்கிறது என்றார்.

English summary

The Election Commission of India is bracing up to conduct election to the Karnataka legislative assembly by May as the five-year term of the present house (13th) ends June 3.