மத்தியவடக்கு அமெரிக்காவில் கடும் பனிப்புயல்: 11 மணிநேரத்தில் 215 சாலை விபத்துக்கள்
சிகாகோ: அமெரிக்காவின் மத்திய வடக்குப் பகுதிகளில் கடும் பனிப்புயல் வீசியதால் சாலை மற்றும் விமானப் போக்குவரத்து பாதிக்கப்பட்டது. பனிப்புயல் காரணமாக 1,100 விமானங்கள் ரத்து செய்யப்பட்டன.
அமெரிக்காவின் மத்திய வடக்குப் பகுதியில் நேற்று கடும் பனிப்புயல் அடித்தது. அதிலும் சிகாகோவில் பனிப்புயலால் சாலைகளில் 4 முதல் 8 இன்ச் அளவுக்கு பனிப்படலமாக இருந்தது. சிகாகோவில் அரை மைல் தூரம் அளவுக்கு எதிரே வரும் வாகனங்கள் தெரியாத அளவுக்கு பனி இருந்தது.
பனிப்புயலால் சாலை மற்றும் விமானப் போக்குவரத்து பாதிக்கப்பட்டது. மொத்தம் 1,100 விமானங்கள் ரத்து செய்யப்பட்டன. பனிப்புயலால் ஏற்பட்ட சாலை விபத்துகளில் 4 பேர் பலியாகினர். விஸ்கான்சின் மற்றும் மின்னசோட்டாவிலும் பனிப்புயல் வீசியது. இதில் மின்னசோட்டாவில் காலை 5 மணியில் இருந்து மாலை 4 மணி வரை 215 சாலை விபத்துக்கள் ஏற்பட்டுள்ளன. நல்ல வேளையாக உயிர் இழப்பு எதுவும் இல்லை.
இந்த பனிப்புயல் இன்று வாஷிங்டனை தாக்கும் என்று எதிர்பார்க்கப்படுகிறது. கடந்த 2 ஆண்டுகளில் வாஷிங்டனை தாக்கும் கடும் பனிப்புயல் இது தான் என்பது குறிப்பிடத்தக்கது.
Click it and Unblock the Notifications
Sign in with Google