நான்' அவள்' அல்ல.. பெர்லுஸ்கோனியின் மாஜி காதலி கண்ணீர்!

Updated: Friday, April 5, 2013, 19:45 [IST]

Subscribe to Oneindia Tamil

ரோம்: என்னை விபச்சாரப் பெண் என்று வர்ணிப்பது தவறானது, அவதூறானது. நான் அப்படிப்பட்ட பெண் இல்லை என்று முன்னாள் இத்தாலி பிரதமர் சில்வியோ பெர்லுஸ்கோனியின் முன்னாள் காதலியான 19 வயது பெண் கரீமா அல் மஹரோக் தெரிவித்துள்ளார்.

மிலன் நகர கோர்ட்டுக்கு வெளியே செய்தியாளர்களிடம் பேசுகையில் இப்படிக் கூறினார் கரீமா. மேலும் தான் ஒருபோதும் பெர்லுஸ்கோனியிடம் செக்ஸ் வைத்துக் கொண்டதில்லை என்றும் கரீமா கூறியுள்ளார். மேலும் எகிப்து முன்னாள் அதிபர் ஹோஸ்னி முபாரக்குடன் தன்னை இணைத்துப் பேசுவதையும் அவர் மறுத்துள்ளார்.

மொராக்கோ நாட்டைச் சேர்ந்தவர் கரீமா. இவர் பெர்லுஸ்கோனி விபச்சாரப் பெண்களுடன் அடித்த லூட்டி தொடர்பான வழக்கில் சேர்க்கப்பட்டுள்ளார். இந்த வழக்கில் தான் பெர்லுஸ்கோனியுடன் செக்ஸ் வைத்துக் கொள்ளவில்லை, குறிப்பாக பணம் பெற்றுக் கொண்டு செக்ஸ் வைத்துக் கொள்ளவில்லை என்று வாக்குமூலம் அளிக்க வேண்டும் என்று கோர்ட்டில் கோரிக்கை வைத்தார் கரீமா.

கரீமாவுக்கு ரூபி தி ஹார்ட்ஸ்டீலர் என்ற செல்லப்பெயரும் உண்டு என்பது குறிப்பிடத்தக்கது. நேற்று மிலன் கோர்ட்டுக்கு வந்த பின்னர் செய்தியாளர்களைச் சந்தித்தார் கரீமா. அப்போது ஏற்கனவே எழுதிக் கொண்டு வரப்பட்ட 6 பக்க அறிக்கையை கண்ணீர் மல்க படித்தார் கரீமா.

அப்போது அவர் கூறுகையில், நான் விபச்சாரப் பெண் அல்ல. நான் பெர்லுஸ்கோனியிடம் பணம் வாங்கிக் கொண்டு செக்ஸ் வைத்துக் கொள்ளவில்லை. மேலும் மிலன் அருகே உள்ள பெர்லுஸ்கோனியின் பண்ணை வீட்டில் நடந்த பார்ட்டியிலும் நான் கலந்து கொள்ளவில்லை என்றார்.

வழக்கு என்னவென்றால் பெர்லுஸ்கோனி டீன் ஏஜ் வயது கொண்ட கரீமாவுடன் பார்ட்டி வைத்து செக்ஸில் ஈடுபட்டார் என்பதே.

கரீமா மீது திருட்டு வழக்கு ஒன்றும் உள்ளது. அதாவது 2010ம் ஆண்டு அவர் தனது நண்பரிடமிருந்து 3000 ஈரோ பணத்தை திருடி விட்டதாக அந்தப் புகார் கூறியது. அந்தப் புகாரின் பேரில் அவரைமிலன் போலீஸாரும் கைது செய்தனர். ஆனால் அடுத்த சில நாட்களிலேயே அவர் பெர்லுஸ்கோனியின் நட்பு வட்டத்துக்குள் வந்து விட்டார்.

ஆரம்பத்தில் நைட் கிளப் டான்ஸராக விளங்கியவர் கரீமா. பின்னர் படிப்படியாக பெரிய பெரிய ஆட்களுடன் சகவாசம் கிடைத்தது. அப்படித்தான் பெர்லுஸ்கோனியையும் அவர் பிடித்தார் என்பதுகுறிப்பிடத்தக்கது.