ரிலையன்ஸ் செல்போன் கட்டணம் உயர்வு.. சலுகைளும் குறைந்தன

மும்பை: இந்தியாவின் மூன்றாவது பெரிய தொலைத் தொடர்பு நிறுவனமான ரிலையன்ஸ், நிறுவனம் தனது செல்போன் கட்டணத்தை உயர்த்தியுள்ளது. மேலும் வாடிக்கையாளர்களுக்கான சலுகைகளையும் குறைத்துள்ளது.

ரிலையன்ஸ் நிறுவனத்துக்கு இந்தியா முழுவதும் சுமார் ஒரு கோடியே 30 லட்சம் செல்போன் வாடிக்கையாளர்கள் உள்ளனர். ரிலையன்ஸ் நிறுவனம் தன் வாடிக்கையாளர்களுக்கு ஒரு வினாடிக்கு ஒரு பைசா என்ற ரீதியில் செல்போன் சேவையை வழங்கி வந்தது. அதன்படி ஒரு நிமிடத்துக்கு 60 காசு என்ற அளவில் கட்டணம் இருந்தது.

இந்த கட்டணம் தற்போது திடீரென 20 சதவீதம் உயர்த்தப்பட்டுள்ளது. இதனால் ரிலையன்ஸ் வாடிக்கையாளர்கள் ஒரு நிமிடத்துக்கு 60 பைசாவுக்கு பதில் 72 பைசா கட்ட வேண்டிய நிலை ஏற்பட்டுள்ளது.

இதேபோல இலவச அழைப்புகள், தள்ளுபடிகள் போன்ற சலுகைகளையும் ரிலையன்ஸ் நிறுவனம் குறைத்துள்ளது. தள்ளுபடிகள் குறைக்கப்படுவதால் வாடிக்கையாளர்களின் பில் தொகை உயரும் என்று தெரிகிறது.

இதேபோல ஏர்டெல் நிறுவனமும் தன் வாடிக்கையாளர்களுக்கு வழங்கி வரும் தள்ளுபடி சலுகைகளை குறைக்க திட்டமிட்டுள்ளது.

English summary

Reliance telecom has increased the tariff for its cell phone service.