தங்கம் விலை சவரனுக்கு ரூ.192 குறைவு: சவரன் ரூ. 20,320க்கு விற்பனை

தங்கத்தின் விலை கடந்த இரண்டு நாட்களாக இரண்டு முகத்தில் இருக்கிறது. இன்று ஒரு சவரன் தங்கம் 192 ரூபாய் குறைந்து 20,320 ரூபாய்க்கு விற்பனையாகிறது.

தங்கத்தின் மீதான இறக்குமதி வரியை மத்திய அரசு உயர்த்தியது. அதை தொடர்ந்து கடந்த 7-ந்தேதி முதல் தங்கம் விலை அதிகரித்தது. ஒரு பவுன் ரூ.21 ஆயிரத்து 40-க்கு விற்கப்பட்டது. பின்னர், விலை ஏற்ற இறக்கத்துடன் இருந்து வந்தது.

இந்த நிலையில் நேற்று முன்தினம் ஒரு பவுன் தங்கம் ரூ.21 ஆயிரத்து 8 ஆக இருந்தது. ஆனால் நேற்று ஒரே நாளில் அதிரடியாக கிராமுக்கு ரூ.62 குறைந்து ரூ.2,564 ஆக இருந்தது. பவுனுக்கு ரூ.496 குறைந்தது. நேற்று ஒரு பவுன் ரூ.20 ஆயிரத்து 512-க்கு விற்றது. இன்று மேலும் பவுனுக்கு ரூ.192 விலை சரிந்துள்ளது. ஒரு பவுன் ரூ.20 ஆயிரத்து 320 ஆக உள்ளது. கிராமுக்கு ரூ.24 குறைந்து ரூ.2,540-க்கு விற்கிறது.

அமெரிக்க பொருளாதார சந்தையில் ஏற்பட்டுள்ள நல்ல முன்னேற்றம் மற்றும் அமெரிக்க டாலருக்கு இணையான ரூபாயின் மதிப்பு வீழ்ச்சி போன்றவை தங்கம் விலை சரிவுக்கு காரணமாக கூறப்படுகிறது. கடந்த 2 நாளில் மட்டும் தங்கம் விலையில் பவுனுக்கு ரூ.688 சரிவு ஏற்பட்டுள்ளது.

தங்கத்தை போன்று வெள்ளி விலையும் கிலோவுக்கு ரூ.770 குறைந்துள்ளது. ஒரு கிலோ ரூ.41 ஆயிரத்து 610 ஆகவும், ஒரு கிராம் ரூ.44.50 ஆகவும் உள்ளது.

தங்கம் விலை குறைந்து வருவதால் நகை வாங்குவோர் மகிழ்ச்சியடைந்துள்ளனர்.

English summary

One sovereign gold costs Rs. 192 lesser than the yesterday price(Rs.20,320).