பியூச்சர்ஸ் வர்த்தகத்தில் தங்கத்தின் விலை ரூ.335 குறைவு

டெல்லி: பியூச்சர்ஸ் வர்த்தகத்தில் 10 கிராம் தங்கத்தின் விலை ரூ.27,000ல் இருந்து ரூ.335 குறைந்து ரூ.26, 685க்கு விற்பனை செய்யப்படுகிறது.

திருமண சீசன் முடிந்துள்ளதாலும், பண்டிகைகள் எதுவும் இல்லாததாலும் தங்கத்தின் தேவை குறைந்துள்ளது. இதனால் தங்கத்தின் விலையும் குறைந்து கொண்டே போகிறது. இந்நிலையில் பியூச்சர்ஸ் வர்த்தகத்திலும் தங்கத்தின் விலை குறைந்துள்ளது.

மல்டி கமாடிட்டி எக்ஸ்சேஞ்சில் ஆகஸ்ட் மாதத்தின் தங்க விலை 10 கிராமுக்கு ரூ.335 குறைந்து ரூ.26,685 ஆக உள்ளது. மேலும் அக்டோபர் மாத விலை 10 கிராமுக்கு ரூ.325 குறைந்து ரூ. 26,837 ஆக உள்ளது.

அமெரிக்க டாலருக்கு எதிரான இந்திய ரூபாயின் மதிப்பு வெகுவாக சரிந்துள்ளதும் தங்கத்தின் விலை குறைய காரணம் என்று கூறப்படுகிறது.

இந்நிலையில் சிங்கப்பூரில் ஒரு அவுன்ஸ் தங்கத்தின் விலை 1.4 சதவீதம் குறைந்து 1,278.94 டாலராக உள்ளது.

English summary

Gold prices dipped below psychological level of Rs 27,000 by falling Rs 335 to Rs 26,685 per ten grams in futures trade today as speculators offloaded their positions in tandem with a weak global trend. Sluggish demand in the spot market due to off marriage and festival season further influenced the gold prices.