தங்கத்தின் விலை சவரனுக்கு ரூ.248 உயர்வு

சென்னை: 22 காரட் தங்கத்தின் விலை இன்று சவரனுக்கு ரூ.248 உயர்ந்துள்ளது.

தங்கம் விலை கடந்த ஒருமாதகாலமாக ஏற்ற இறக்கத்துடனே காணப்படுகிறது. சவரனுக்கு 600 ரூபாய் குறைவதும், 400 ரூபாய் அதிகரிப்பதுமாக ஊசலாட்டத்துடனே இருக்கிறது.

22 காரட் தங்கம் ஒரு கிராமுக்கு 31 ரூபாய் உயர்ந்து 2,467 ரூபாய்க்கு விற்கப்படுகிறது. சவரனுக்கு 248 ரூபாய் அதிகரித்து இன்று ரூ.19,736க்கு விற்பனை செய்யப்படுகிறது.

அதேபோல் 24 கேரட் தங்கம் ஒரு கிராமுக்கு 33 ரூபாய் அதிகரித்து 2,638 ரூபாய்க்கு விற்பனை செய்யப்படுகிறது.

இதேபோல் வெள்ளி ஒரு கிலோவுக்கு 280 ரூபாய் அதிகரித்து 40,825 ரூபாய்க்கு விற்பனை செய்யப்படுகிறது. சில்லறை விற்பனையில் ஒரு கிராம் வெள்ளி 30 காசுகள் அதிகரித்து 43.70 ரூபாய்க்கு விற்கப்படுகிறது.

ஜூன் மாதத்தின் கடைசி வாரத்தில் தங்கத்தின் விலை இறங்குமுகமாவே காணப்பட்டது. ஜூன் 28ம் தேதி ஒரு சவரனுக்கு ரூ. 592 வரை குறைந்து 19,168 ரூபாய்க்கு விற்பனை செய்யப்பட்டது. இப்போது படிப்படியாக உயரத் தொடங்கியுள்ளது.

English summary

Gold price has rose again today.