ஆஸ்திரேலிய குடிமகனானார் தஞ்சமடைந்த பாக். கிரிக்கெட் வீரர் வபத் அகமத்!

சிட்னி: ஆஸ்திரேலியாவில் தஞ்சமடைந்த பாகிஸ்தான் கிரிக்கெட் வீரர் வபத் அகமத்துக்கு ஆஸ்திரேலிய குடியுரிமை வழங்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது. இதைத் தொடர்ந்து அவர் ஆஸ்திரேலிய அணியில் இணைத்துக் கொள்ளப்பட்டார்.

பாகிஸ்தானைச் சேர்ந்த ப்ந்து வீச்சாளரான வபத் அகமத் முதல் தர போட்டிகளில் விளையாடி வந்தார். பின்னர் பாகிஸ்தானில் பெண் கல்வி வளர்ச்சிக்காக உதவி செய்து வந்தார். இதற்கு தீவிரவாதிகள் எதிர்ப்பு தெரிவித்தனர். இதைத் தொடர்ந்து ஆஸ்திரேலியாவுக்கு குறுகிய கால விசாவில் வந்தார் வபத் அகமத். பின்னர் ஆஸ்திரேலியா அணிக்காகவும் விளையாடினார்.

இதைத் தொடர்ந்து நிரந்தரமாக ஆஸ்திரேலியாவிலேயே தஞ்சமடையவும் அவர் முடிவு செய்தார். இதற்காக குடியுரிமை கோரி வபத் அகமத் விண்ணப்பித்தார். விளையாட்டு வீரர் என்ற அடிப்படையில் வபத் அகமத்துக்கு விரைவாகவே குடியுரிமை வழங்கப்பட்டுவிட்டது. மேலும் அவர் ஆஸ்திரேலிய அணியிலும் அதிகாரப்பூர்வமாக இணைத்துக் கொள்ளப்பட்டிருக்கிறார்

இது தொடர்பாக இன்று அறிக்கை வெளியிட்டிருக்கும் ஆஸ்திரேலியா கிரிக்கெட் அணி, வபத் அகமத்தின் வருகையால் ஆஸ்திரேலியா அணி புது பலம் பெறுகிறது. ஆஸ்திரேலிய கிரிக்கெட் அணியின் வரலாற்றில் மிக முக்கியமான நாள் இன்று மகிழ்ச்சி தெரிவித்துள்ளது.

English summary

Pakistan refugee spinner Fawad Ahmed today officially became an Australian citizen at a citizenship ceremony conducted by Minister Brendan O'Connor at the Commonwealth Parliamentary Offices in Melbourne.